ଉତରେଶ୍ୱରୀ ମହାଦେବ ମନ୍ଦିର ଚତୁପାର୍ଶ୍ୱ ଅପରିଷ୍କାର ; ଭକ୍ତଙ୍କ ମଧ୍ୟରେ ଅସନ୍ତୋଷ…

ଜଗତସିଂହପୁର, ୧୮/୧୧ (ରୀତା ସାହୁ) : ଜଗତସିଂହପୁର ଜିଲ୍ଲା ତରିକୁନ୍ଦ ପଂଚାୟତ ଉତରେଶ୍ୱରୀ ମହାଦେବ ମନ୍ଦିର ଚତୁପାର୍ଶ୍ୱ ଅପରିଷ୍କାରକୁ ନେଇ ଭକ୍ତଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି । ଏହି ପୁରାତନ ମନ୍ଦିରକୁ ଶତାଧିକ ଭକ୍ତ ଓ ଶ୍ରଦ୍ଧାଳୁମାନେ ଆସୁଥିବା ବେଳେ ଏବେ କାର୍ତିକ ମାସରେ ଅଧିକ ଭକ୍ତ ଆସୁଛନ୍ତି । ସ୍ଥାନୀୟ ଲୋକଙ୍କ କହିବା ଅନୁଯାୟୀ ଗ୍ରାମର କିଛି ଅସାମାଜିକ ଲୋକମାନେ ମନ୍ଦିର ନିକଟରେ ଗାଈଗୋରୁ ବାନ୍ଧିିବା ସହିତ ଅପରିଷ୍କାର କରୁଛନ୍ତି । ଯାହା ଫଳରେ ଦୁର୍ଗନ୍ଧ ହେବା ସହିତ ମନ୍ଦିରକୁ ଆସୁଥିବା ଭକ୍ତ ଓ ଶ୍ରଦ୍ଧାଳୁମାନେ ଅସନ୍ତୋଷ ପ୍ରକାଶ କରିଛନ୍ତି । ଏହା ସହିତ ମନ୍ଦିର ଜାଗାକୁ ଜୋର ଜବରଦସ୍ତ ଦଖଲ କରି ରଖିବା ଫଳରେ ମନ୍ଦିରକୁ ଆସୁଥିବା ଯାତ୍ରୀମାନେ ଗାଡି ରଖିବା ଠାରୁ ଆରମ୍ଭ କରି ବିଭିନ୍ନ ଅବ୍ୟବସ୍ଥାକୁ ନେଇ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଏ ସମ୍ପର୍କରେ ଜିଲ୍ଲା ପ୍ରଶାସନକୁ ବାରମ୍ବାର ଜଣାଇଥିଲେ ମଧ୍ୟ କିଛି ସୁଫଳ ମିଳି ନ ଥିବା ଗ୍ରାମବାସୀମାନେ ଅଭିଯୋଗ କରିଛନ୍ତି । ତେବେ ତୁରନ୍ତ ଜିଲ୍ଲା ପ୍ରଶାସନ ଏଥିରେ ହସ୍ତକ୍ଷେପ କରି ସମାଧାନ କରିବାକୁ ଜନସାଧାରଣରେ ଦାବି ଜୋର ଧରିଛି ।