ମହିଳା ଗୋଷ୍ଠୀଙ୍କୁ ସଶକ୍ତ କରିବା ସହ ଜୀବନରେ ପରିବର୍ତ୍ତନ ଆଣିଛି ହେଫର୍ ଇଂଟରନ୍ୟାଶନାଲ ଓ କାରଗିଲର ହ୍ୟାଚିଙ୍ଗ୍ ହୋପ୍ ଅଭିଯାନ…
ଭୁବନେଶ୍ୱର : ହେଫର୍ ଇଂଟରନ୍ୟାସନାଲ ବିଶ୍ୱ ଅଣ୍ଡା ଦିବସ ଅବସରରେ ପୋଲଟ୍ରି ବା କୁକଡା ଚାଷ ଉପରେ କେନ୍ଦ୍ରିତ ଏହାର ପରିବର୍ତ୍ତନଶୀଳ ଅଭିଯାନକୁ ଓଡିଶାରେ ଗର୍ବର ସହ ପ୍ରଦର୍ଶିତ କରିଛି । କାରଗିଲ୍ ସହିତ ଓଡିଶାରେ ହେଫରର ଫ୍ଲାଗସିପ୍ ଅଭିଯାନ, ଦ ହ୍ୟାଚିଙ୍ଗ୍ ହୋପ୍ ପ୍ରୋଜେକ୍ଟ କୁକୁଡା ଉତ୍ପାଦନ, ଉପଯୋଗ ଓ ପ୍ରୋତ୍ସାହନ ମାଧ୍ୟମରେ ୨୦୩୦ ସୁଦ୍ଧା ବିଶ୍ୱବ୍ୟାପୀ ୧୦୦ ମିଲିୟନ ଲୋକଙ୍କର ପୋଷଣ ଓ ଅର୍ଥନୈତିକ ଜୀବିକାକୁ ଉନ୍ନତ କରିବାକୁ ଲକ୍ଷ୍ୟ ରଖିଛି । ଭାରତରେ ଏହି ପ୍ରୋଗ୍ରାମ ଏହାର ୫ମ ବର୍ଷରେ ପରିଚାଳନା କରୁଛି ଏବଂ ଏହା କୁପୋଷଣକୁ ଦୂର କରିବା କ୍ଷେତ୍ରରେ ଗୁରୁତ୍ୱପୂର୍ଣ୍ଣ ପ୍ରଗତି କରିଛି । ଏହା ଗ୍ରାମାଂଚଳର ମହିଳାମାନଙ୍କୁ ତାଲିମ୍ ଓ ସଂଶାଧନ ପ୍ରଦାନ କରି ସଶକ୍ତ କରୁଛି ଏବଂ କ୍ଷୁଦ୍ର ଚାଷୀମାନଙ୍କୁ ପରିବେଶ ପ୍ରଭାବକୁ ହ୍ରାସ କରୁଥିବା ଦକ୍ଷ କୁକୁଡା ଉତ୍ପାଦନ ଅଭ୍ୟାସ ଶିଖାଉଛି ।
କାରଗିଲ୍ ଦ୍ୱାରା ସମର୍ଥିତ ହ୍ୟାଚିଙ୍ଗ୍ ହୋପ୍ ଭାରତର ଓଡିଶା ଓ ଆନ୍ଧ୍ର ପ୍ରଦେଶରେ ପରିଚାଳିତ ହେଉଛି । ଏହି ଦୂରଦୃଷ୍ଟିସମ୍ପନ୍ନ ପଦକ୍ଷେପ ପାଇଁ ୩୦,୦୦୦ କ୍ଷୁଦ୍ର ଚାଷୀ ସଶକ୍ତ ହୋଇଛନ୍ତି । ଏହାସହ ୧୦ଟି ହାଚେରି ଓ ୩୦ଟି ଫିଡ୍ ମିଲକୁ ସହଯୋଗ କରିବା ସହିତ ୩୦୦୦ ମଡେଲ ପୋଲଟ୍ରି ହାଉସର ବିକାଶ ଏବଂ ଓଡିଶାରେ ୨୦୦ରୁ ଅଧିକ କମ୍ୟୁନିଟି ଆଗ୍ରୋ ଭେଟେନାରୀ ଏଂଟ୍ରପ୍ରେନ୍ୟୋରଙ୍କ ଏକ ଗୋଷ୍ଠୀକୁ ପ୍ରଶିକ୍ଷିତ କରିବାରେ ସହଯୋଗ କରିଛି ।
ଏହି ଅବସରରେ କାର୍ଗିଲ୍ରେ କର୍ପୋରେଟ୍ ଦାୟିତ୍ୱ ଓ ସ୍ଥାୟୀ ବିକାଶ ବିଭାଗ (ଏସିଆ ପାସିଫିକ୍)ର ଆଂଚଳିକ ନିର୍ଦ୍ଦେଶକ ଦୀପନ୍ୱିତା, ହେଫର୍ ଇଣ୍ଡିଆର କଂଟ୍ରି ଡାଇରେକ୍ଟର ରିନା ସୋନି, ହେଫର୍ ଇଣ୍ଡିଆର ବରିଷ୍ଠ ପ୍ରକଳ୍ପ ନିର୍ଦ୍ଦେଶକ ପ୍ରବାହରନ୍ ରାଜାରଥିନମ୍, ଇଂଟରନ୍ୟାଶନାଲ ଏଗ୍ କମିଶନର ଅଧ୍ୟକ୍ଷ ସୁରେଶ ଚିଟ୍ଟୁରୀ ପ୍ରମୁଖ ଉପସ୍ଥିତ ଥିଲେ ।
ରିପୋର୍ଟ : ଭୁବନେଶ୍ବରରୁ ଅଭିଜିତ୍ ସିଂ
