କ୍ରୁତି କଫିର “କିନ୍ଦିରିଗୁଡା ନାଚୁରାଲ୍ସ”କୁ ଭାରତର ଏକ ନମ୍ବର ନାଚୁରାଲ୍ କଫି ମାନ୍ୟତା…
ଭୁବନେଶ୍ବର : ଜାତୀୟ ସ୍ତରରେ ସମ୍ମାନିତ ହେଲା କ୍ରୁତି କଫିର “କିନ୍ଦିରିଗୁଡା ନାଚୁରାଲ୍ସ” । ଓଡିଶାର ଏକ କଫି ଭାରତର ଶ୍ରେଷ୍ଠ ନାଚୁରାଲ୍ସ କଫି ଭାବରେ ବାଙ୍ଗାଲୁରରେ ଅନୁଷ୍ଠିତ ୫ମ ବିଶ୍ବ କଫି ସମ୍ମିଳନୀରେ ସମ୍ମାନିତ ହୋଇଛି । “କିନ୍ଦିରିଗୁଡା ନାଚୁରାଲ୍ସ” ହେଉଛି ଏକ କଫି ଏବଂ ଏହା ଭାରତର ସ୍ପେସିଆଲିଟି କଫି ବ୍ରାଣ୍ଡ ଯାହାକି ଓଡ଼ିଶାର କ୍ରୁତି କଫି ଦ୍ୱାରା ବିକଶିତ ହୋଇଛି । ଏହା ଭାରତର ଏକ ଦ୍ରୁତ ବିକଶିତ କଫି ବ୍ରାଣ୍ଡ ବୋଲି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଡଃ କାମାକ୍ଷା ଦାସ (ସହ ପ୍ରତିଷ୍ଠାତା, କ୍ରୁତି କଫି) ଓ ତପନ ବରିଶାଲ୍ (ବାଣିଜ୍ୟ ମୁଖ୍ୟ,କ୍ରୁତି କଫି) । କଫି ପ୍ରକ୍ରିୟାକରଣ ପାଇଁ ନିୟୋଜିତ ବିଭିନ୍ନ ପଦ୍ଧତି ମଧ୍ୟରୁ “ନାଚୁରାଲ୍ସ” ହେଉଛି ସବୁଠାରୁ ଜଟିଳ ପ୍ରକ୍ରିୟା ।
ଏହା ଉଦ୍ଭିଦ ପରିଚାଳନାଠାରୁ ଆରମ୍ଭ କରି ଚେରି ତୋଳିବା ପର୍ଯ୍ୟନ୍ତ, ଶଯ୍ୟାରେ ଶୁଖିବା ପର୍ଯ୍ୟନ୍ତ କଫି ମୂଲ୍ୟ ଧାର୍ଯ୍ୟ ପର୍ଯ୍ୟନ୍ତ ନଜର ରଖେ । କ୍ରୁତି କଫି ଏକ ଦଶନ୍ଧି ମଧ୍ୟରେ ଭାରତର ସର୍ବୋଚ୍ଚ କଫି ଉତ୍ପାଦନକାରୀ ବ୍ରାଣ୍ଡ ଓ କଫି ବିକାଶ କ୍ଷେତ୍ରରେ କାର୍ଯ୍ୟ କରିବା ସହ କଫି ବୃକ୍ଷରୋପଣ କରିଛି । କୋରାପୁଟ ଜିଲ୍ଲାରେ ଅବସ୍ଥିତ କିନ୍ଦିରିଗୁଡା ଆଦିବାସୀ ଅଞ୍ଚଳରେ କଫି ବୃକ୍ଷରୋପଣ କାର୍ଯ୍ୟକ୍ରମ ହାତକୁ ନିଆଯାଇଛି ।
ଏହି ସଫଳତା ହାସଲ କରିବା ପାଇଁ କ୍ରୁତି କଫି କଠୋର ବିଶ୍ୱସ୍ତରୀୟ କଫି ପରିଚାଳନା ପ୍ରଣାଳୀକୁ ନିୟୋଜିତ କରିଛି । ଏହି ସଫଳତାକୁ ପାଳନ କରିବା ଏବଂ କିନ୍ଦିରିଗୁଡାର କୃଷକମାନଙ୍କୁ ଉତ୍ସାହିତ କରିବା ପାଇଁ କ୍ରୁତି କଫି ତରଫରୁ ସମ୍ମାନିତ କରାଯିବା ସହ ସେମାନଙ୍କ ବିକାଶ ନିମନ୍ତେ ବିଭିନ୍ନ କାର୍ଯ୍ୟକ୍ରମ ହାତକୁ ନିଆଯାଇଛି ।
ରିପୋର୍ଟ : ଭୁବନେଶ୍ବରରୁ ଅଭିଜିତ୍ ସିଂ
