ସଡକ ଦୁର୍ଘଟଣାରେ ଗୁରୁତର ଆହତ ହୋଇଛନ୍ତି ବରିଷ୍ଠ ସାମ୍ବାଦିକ ଅଭୟ ଜେନା…

କଟକ: ସଡକ ଦୁର୍ଘଟଣାରେ ଗୁରୁତର ଆହତ ହୋଇଛନ୍ତି ବରିଷ୍ଠ ସାମ୍ବାଦିକ ଅଭୟ ଜେନା । ସେ ସାଲେପୁର ଅଭିମୁଖେ ବାଇକ ଯୋଗେ ଯାଉଥିବା ବେଳେ ଦୁର୍ଘଟଣାର ସମ୍ମୁଖୀନ ହୋଇଛନ୍ତି । ଗୁରୁତର ଅବସ୍ଥାରେ ତାଙ୍କୁ ଏକ ଘରୋଇ ନର୍ସିଂହୋମରେ ଭର୍ତ୍ତି କରାଯାଇଛି । ବର୍ତ୍ତମାନ ସେ ସାଲେପୁରରେ ଚିକିତ୍ସାଧୀନ ଅଛନ୍ତି । ଖବର ପାଇ ବହୁ ବିଶିଷ୍ଟ ବ୍ୟକ୍ତି, ସାମ୍ବାଦିକ ବନ୍ଧୁ ଏବଂ ଶୁଭେଛୁ ଶ୍ରୀ ଜେନାଙ୍କ ଆଶୁ ଆରୋଗ୍ୟ କାମନା କରିଛନ୍ତି । ସାମ୍ବାଦିକ ଅଭୟ ଦୀର୍ଘଦିନ ହେବ ଫ୍ରି ଟୁ ସ୍ପିକ୍ ଚ୍ୟାନେଲରେ କଟକର ଖବରଦାତା ଭାବେ ସମ୍ବାଦ ପରିବେଷଣ କରିଆସୁଛନ୍ତି । ଜଣେ କର୍ତ୍ତବ୍ୟନିଷ୍ଠ ତଥା ସଚ୍ଚୋଟ ସାମ୍ବାଦିକ ଭାବେ ସେ ବେଶ୍ ପରିଚିତ । ଫ୍ରି ଟୁ ସ୍ପିକ୍ ପରିବାର ପକ୍ଷରୁ ସାମ୍ବାଦିକ ଅଭୟଙ୍କ ଆଶୁ ଆରୋଗ୍ୟ କାମନା କରିବା ସହିତ ତାଙ୍କର ନିରାମୟ ଜୀବନ କାମନା କରୁଛୁ ।