ଅଦିନିଆ ବର୍ଷାରେ ଧୋଇଗଲା ସାନ କେଲାର ଗ୍ରାମ ରାସ୍ତାର ପୋଲ…
କୋରାପୁଟ : ଅଦିନିଆ ବର୍ଷାରେ ଧୋଇଗଲା ସାନ କେଲାର ଗ୍ରାମ ରାସ୍ତାର ପୋଲ । କୋରାପୁଟ ଜିଲ୍ଲା ଲକ୍ଷ୍ମୀପୁର ବ୍ଲକ ଅନ୍ତର୍ଗତ କୁସୁମଗୁଡ଼ା ଗ୍ରାମ ପଞ୍ଚାୟତର ସାନ କେଲାର ଗ୍ରାମ ଦେଇଯାଇଥିବା ରାସ୍ତାର ଏକ ପୋଲ ଲଗାତର ବର୍ଷା କାରଣରୁ ଭୁଷୁଡ଼ି ଯାଇଛି । ଫଳରେ ଏହି ପୋଲ ଏବେ ବିପଦ ସଂକୁଳ ଅବସ୍ଥାରେ ରହିଛି । ଏହି ପୋଲ ଉପରେ ସାନ କେଲାର, ଗୌଡ଼ କେଲାର, ଶୁଣ୍ଢି କେଲାର, ମହୁଲକଣା ଭଳି ପ୍ରାୟ ୨୦ ଟି ଗ୍ରାମର ଲୋକେ ଯିବା ଆସିବା କରନ୍ତି ।
ପୋଲ ବିପଦ ସଂକୁଳ ଅବସ୍ଥାରେ ଥିବାରୁ ଏହି ରାସ୍ତା ଦେଇ ଯିବା ଆସିବା କରିବା ଏକ ପ୍ରକାରର ଅସମ୍ଭବ ହୋଇଯାଇଛି । ଏଣୁ ଏହାର ତୁରନ୍ତ ସମାଧାନ ପାଇଁ ଦାବି କରିଛନ୍ତି ଲକ୍ଷ୍ମୀପୁର ବ୍ଲକ ଉପାଧ୍ୟକ୍ଷା ଆରତୀ କୁଲଦୀପ । ପୋଲ ଭୁଷୁଡିବା ଖବର ପାଇ ଆରତୀ କୁଲଦୀପ ସଙ୍ଗେ ସଙ୍ଗେ ଘଟଣା ସ୍ଥଳକୁ ଯାଇ ଅଞ୍ଚଳବାସୀଙ୍କ ସହ ଆଲୋଚନା କରି ଲକ୍ଷ୍ମୀପୁର ଗୋଷ୍ଠୀ ଉନ୍ନୟନ ଅଧିକାରୀ ଏବଂ ଗ୍ରାମ୍ୟ ଉନ୍ନୟନ ବିଭାଗୀୟ ଅଧିକାରୀଙ୍କୁ ଅବଗତ କରିବା ସହ ଯଥା ଶୀଘ୍ର କେମିତି ପୋଲ ମରାମତି କରି ରାସ୍ତା ସ୍ବଭାବିକ ହୋଇ ପାରିବ ତାହା ଉପରେ ଅଧିକାରୀଙ୍କୁ କହିଛନ୍ତି ।
ରିପୋର୍ଟ : କୋରାପୁଟ ଜିଲ୍ଲା ଲକ୍ଷ୍ମୀପୁରରୁ ସଞ୍ଜୟ କୁମାର ପାଣି
