ସ୍ୱାୟତ୍ତ ଶାସନ ଦିବସକୁ ଆସିଲେନି ଅତିଥି । ଟଣାଓଟରାରେ ଚାଲିଲା କାର୍ଯ୍ୟକ୍ରମ…

ହିନ୍ଦୋଳ : ହିନ୍ଦୋଳ ଏନ୍ଏସିରେ ସ୍ୱାୟତ୍ତ ଶାସନ ଦିବସ ପାଳିତ ହୋଇଯାଇଛି । ହିନ୍ଦୋଳ ଏନ୍ଏସିର କାର୍ଯ୍ୟ କଳାପରେ ଅତିଷ୍ଠ ହୋଇ ସାଂସଦ, ଜିଲ୍ଲାପାଳ, ଏଡିଓମ୍, ଏସ୍.ପି, ତହସିଲଦାର ଓ ବିଡ଼ିଓ ଅତିଥି ଥାଇ ମଧ୍ୟ ଏହି କାର୍ଯ୍ୟକ୍ରମକୁ ଆସି ନଥିଲେ । ଯାହାକୁ ନେଇ ବୁଦ୍ଧିଜୀବୀଙ୍କ ମହଲରେ ଆଲୋଚନା ଜୋର ଧରିଛି । ଏପଟେ ହିନ୍ଦୋଳ ବିଧାୟିକା ସିମାରାଣୀ ନାୟକ ଓ ତାଙ୍କର କର୍ମୀ ତଥା ୧୧ନଂ ୱାର୍ଡର ପୂର୍ବତନ କାଉନସିଲରଙ୍କୁ କାର୍ଯ୍ୟ ନିର୍ବାହୀ ଅଧିକାରୀଙ୍କ ଅସମ୍ମାନ ଯୋଗୁଁ ବିଧାୟିକା ଆସୁ ନଥିବା ବେଳେ ବାରମ୍ବାର ବିଭିନ୍ନ ମାଧ୍ୟମରେ ଫୋନ୍ ଗଲା ପରେ ବିଧାୟିକା ମାତ୍ର ୧୫ମିନିଟ ରହି କାର୍ଯ୍ୟକ୍ରମରୁ ପଳାଇଥିଲେ ।

ଅପରପକ୍ଷେ ଉପଜିଲ୍ଲପାଳ ଶିବାନନ୍ଦ ସ୍ୱାଇଁ ବିଭିନ୍ନ କାର୍ଯ୍ୟ ବ୍ୟସ୍ତରେ ଥାଇ ମଧ୍ୟ ହିନ୍ଦୋଳ ଏନ୍ଏସି କାର୍ଯ୍ୟ ନିର୍ବାହୀ ଅଧିକାରୀଙ୍କ ଅନୁରୋଧ ପରେ କାର୍ଯ୍ୟକ୍ରମରେ ନିଜର ସମୟ ବାହାର କରି ଯୋଗ ଦେଇଥିଲେ । ତେବେ ଦୁଃଖର ବିଷୟ ହିନ୍ଦୋଳ ଏନ୍ଏସି କର୍ତ୍ତୁପକ୍ଷ ଜଣେ ଦକ୍ଷ ଉପଜିଲ୍ଲପାଳଙ୍କୁ କାର୍ଯ୍ୟକ୍ରମ ମଞ୍ଚରେ ଏକା ଛାଡ଼ି ନେତାଙ୍କୁ ଆଣିବା ପାଇଁ ପଳାଇ ଯାଇଥିଲେ । ଯାହାକୁ ଦୃଢ଼ ନିନ୍ଦା କରିଥିଲେ ହିନ୍ଦୋଳ ଏନ୍ଏସିବାସୀ । ସଭା ମଞ୍ଚରେ ୮ନଂ ୱାର୍ଡ କାଉନସିଲର ଓ ୩ନଂ ୱାର୍ଡ କାଉନସିଲରଙ୍କୁ ଅତିଥି ନ ଆସିବା ଯୋଗୁଁ ବସାଯାଇଥିବାବେଳେ ଅନ୍ୟ କାଉନସିଲରଙ୍କୁ କାହିଁକି ସଭା ମଧ୍ୟରେ ବସାଗଲା ନାହିଁ ବୋଲି ଜନସାଧରଣ କ୍ଷୋଭ ପ୍ରକାଶ କରିଛନ୍ତି । ଏପଟେ ୧୧ନଂ ୱାର୍ଡ ଓ ୯ନଂ ୱାର୍ଡ ସମ୍ବର୍ଦ୍ଧନା ପତ୍ର ନେଇ ନଥିବା ଦେଖା ଦେଇଥିଲା । ତେବେ ହିନ୍ଦୋଳ ଏନ୍ଏସି ନୂତନ ଅଧ୍ୟକ୍ଷଙ୍କ ଦ୍ଵାରା ମିନି ଷ୍ଟାଡିୟମରେ ହୋଇଥିବା ସାଂସ୍କୃତିକ କାର୍ଯ୍ୟକ୍ରମକୁ ଉପଭୋଗ କରିବା ସହ ବେଶ୍ ପ୍ରଶଂସା କରିଥିଲେ ହିନ୍ଦୋଳ ଏନ୍ଏସିବାସୀ ।

ରିପୋର୍ଟ : ଢେଙ୍କାନାଳରୁ ସୁଜିତ୍ କୁମାର ବେହେରା