ଫୁଟବଲ ସହ ଜଡିତ ହେବା ପାଇଁ ପିଲାଙ୍କୁ ଆହ୍ବାନ

ଭୁବନେଶ୍ୱର : ଓଡ଼ିଶା ଏଫ୍.ସି ପକ୍ଷରୁ ୫ମ ପ୍ରତିଷ୍ଠା ଦିବସ OSAP ସପ୍ତମ ବାଟାଲିୟନରେ ପାଳିତ ହୋଇଯାଇଛି । ଏଥିରେ ଚନ୍ଦ୍ରଶେଖରପୁର ଭେଙ୍କେଟେଶ୍ୱର ଇଂରାଜୀ ମଧ୍ୟମ ବିଦ୍ୟାଳୟର ୫ମ ରୁ ୭ମ ଶ୍ରେଣୀର ପ୍ରାୟଃ ୧୫୦ ପିଲା ଯୋଗ ଦେଇଥିଲେ । ଏହି ଅବସରରେ ସ୍ଥାନୀୟ ପିଲାମାନଙ୍କୁ ଫୁଟବଲ ସହ ଜଡିତ ହେବା ଏବଂ ସେମାନଙ୍କ ସୁସ୍ଥତା କେମିତି ଏହି ଖେଳ ସହ ଯୋଡିହୋଇ ରହିଛି ସେ ନେଇ ଉତ୍ସାହିତ କରାଯାଇଥିଲା ।

ଏହି କାର୍ଯ୍ୟକ୍ରମରେ କ୍ଲବ୍ ହେଡ୍ କୋଚ୍ ‘ସର୍ଜିଓ ଲୋବେରା’ ଙ୍କ ସହ ଖେଳାଳି ଅମରେନ୍ଦର ସିଙ୍ଗ ଓ କ୍ଳବର ବିଜନେସ ହେଡ୍ ରବି ଖେଦର, ଶିଶୁ ଓ ଶିକ୍ଷକମାନଙ୍କୁ ସମ୍ବୋଧିତ କରିଥିଲେ । ସେମାନେ କ୍ଲବ ବିଷୟରେ ଏବଂ ଭବିଷ୍ୟତରେ କିପରି କ୍ଳବ ସ୍ଥାନୀୟ ସମ୍ପ୍ରଦାୟ ସହ ଯୋଡି ହୋଇ ରହିବ ସେ ନେଇ ଆଲୋଚନା କରିଥିଲେ ।

ରିପୋର୍ଟ : ଭୁବନେଶ୍ବରରୁ ଅଭିଜିତ୍ ସିଂ