ଚିତ୍ରୋତ୍ପଳା ନଦୀରେ ବୁଲୁଛି ବିରାଟ କୁମ୍ଭୀର…
ନିଶ୍ଚିନ୍ତକୋଇଲି : ଚିତ୍ରୋତ୍ପଳା ନଦୀରେ ଏବେ କୁମ୍ଭୀର । ନିକଟରେ କୁମ୍ଭୀର ଆକ୍ରମଣ ଖବର ଜଣାପଡିବା ପରେ ନଦୀକୂଳିଆ ଲୋକେ ଏବେ ବହୁ ସତର୍କତା ଅବଲମ୍ବନ କରୁଛନ୍ତି । ଏହାରି ଭିତରେ ଜନାର୍ଦ୍ଦନପୁର ପଞ୍ଚାୟତର ମାରଡ଼ା ଗ୍ରାମ ନିକଟରେ ଏକ ବଡ଼ କୁମ୍ଭୀର ଦେଖାଦେଇଥିବା କହିଛନ୍ତି କିଛି ପ୍ରତ୍ୟେକ୍ଷଦର୍ଶ ।
ସୂଚନା ଅନୁସାରେ, ମାରଡ଼ା ଅଶ୍ୱସ୍ତ ମୂଳ ତୁଠରେ ଥିବା ସ୍ପର ନିକଟରେ ଜନୈକ ବ୍ୟକ୍ତି ନଦୀକୁ ଶୌଚ ହେବାକୁ ଯାଇଥିଲେ । ତେବେ ହଠାତ୍ ପାଣିରେ କିଛି ହଲଚଲ ଦେଖି ସେ ଉପରକୁ ଆସି ନୀରିକ୍ଷଣ କରିଥିଲେ । ନଦୀ ଭିତରେ ଏକ ବିରାଟ କୁମ୍ଭୀରକୁ ଦେଖି ଭୟରେ ରଡି ଛାଡି ସେଠରାକୁ ଚାଲିଯାଇଥିଲେ । ଏ ନେଇ ସେ ଗ୍ରାମରେ ସମସ୍ତଙ୍କୁ ଅବଗତ ମଧ୍ୟ କରାଇବା ସହ ସମସ୍ତଙ୍କୁ ସତର୍କ ରହି ଚଳପ୍ରଚଳ କରିବା ଲାଗି ନିବେଦନ କରିଛନ୍ତି । ଅପରପକ୍ଷେ ନଦୀରେ କୁମ୍ଭୀର ବାହାରିବା କଥା ଶୁଣି ନଦୀ କୁଳିଆ ଲୋକେ ଆତଙ୍କିତ ହୋଇପଡିଛନ୍ତି ।
ରିପୋର୍ଟ : ସାଲେପୁରରୁ ଅଭୟ ଜେନା
