ନୀଳଗିରି ଉପଖଣ୍ଡରେ ପାଳିତ ହେଉଛି ସ୍ୱାଧୀନତା ଦିବସ ।
ନୀଳଗିରି : ଦେଶ ପାଳନ କରୁଛି ୭୭ ତମ ସ୍ୱାଧୀନତା ଦିବସ । ଏହି ଅବସରର ନୀଳଗିରି ଉପଖଣ୍ଡରେ ନୀଳଗିରି ବରିଷ୍ଠ ନାଗରିକ ମଞ୍ଚ ପକ୍ଷରୁ ନୀଳଗିରି ଡାକ୍ତରଖାନା ରାସ୍ତା ପାର୍ଶ୍ବରେ ପତାକା ଉତ୍ତୋଳନ କରାଯାଇଛି । ସେହିପରି କଚେରୀ ପରିସରରେ ନୀଳଗିରି ବାର ଆସୋସିଏସନର ସଭାପତି ଅମରେନ୍ଦ୍ର ପଟ୍ଟନାୟକ ପତାକା ଉତ୍ତୋଳନ କରିଛନ୍ତି । ଏହାସହ ପୂର୍ତ୍ତବିଭାଗ କାର୍ଯ୍ୟାଳୟରେ ସରକାରୀ ନିର୍ବାହୀ ଯନ୍ତ୍ରୀ ମଧ୍ୟ ପତାକା ଉତ୍ତୋଳନ କରିଛନ୍ତି । ସେପଟେ ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ଉପଜିଲ୍ଲାପାଳ ମନ୍ଦରଧର ମହାଳିକ ପତାକା ଉତ୍ତୋଳନ କରିଛନ୍ତି ।
ଅପରପକ୍ଷେ ଉପଖଣ୍ଡସ୍ତରୀୟ ପତାକା ଉତ୍ତୋଳନ କାର୍ଯ୍ୟକ୍ରମ ଥାନା ନିକଟସ୍ଥ ଷ୍ଟାଡିୟମ ପଡ଼ିଆରେ ଉପଜିଲ୍ଲାପାଳ ମନ୍ଦରଧର ମହାଳିକଙ୍କ କରକମଳରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ଉପଜିଲ୍ଲାପାଳ ପାଇକ ବିଦ୍ରୋହଠାରୁ ଆରମ୍ଭକରି ନୀଳଗିରି ଗଡ଼ଜାତ ଆନ୍ଦୋଳନ ସମ୍ପର୍କରେ ନିଜର ବକ୍ତବ୍ୟ ରଖିଥିଲେ । ଷ୍ଟାଡିୟମ ପଡ଼ିଆରେ ୩୭ ଟି ଦଳ ପରେଡରେ ଅଂଶଗ୍ରହଣ କରିଥିଲେ । ପରେଡ ପରେ ଛାତ୍ରଛାତ୍ରୀଙ୍କୁ ନେଇ ବିଭିନ୍ନ ଦେଶାତ୍ମବୋଧକ କାର୍ଯ୍ୟକ୍ରମ ଏବଂ ପୁରସ୍କାର ବିତରଣ ଉତ୍ସବ ଆୟୋଜିତ ହୋଇଥିଲା ।
ରିପୋର୍ଟ : ନୀଳଗିରିରୁ ସତ୍ୟାନନ୍ଦ ପାତ୍ର
