ବର୍ଷିଆନ ସାମ୍ବାଦିକ ବୈଦନାଥ ପରିଡାଙ୍କ ପରଲୋକ

ଜଗତସିଂହପୁର : ଜଗତସିଂହପୁର ଜିଲ୍ଲାର ବର୍ଷିଆନ ସାମ୍ବାଦିକ ବୈଦନାଥ ପରିଡାଙ୍କ ୯୭ ବର୍ଷ ବୟସରେ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ପରଲୋକ ହୋଇଛି । ସ୍ବର୍ଗତ ଶ୍ରୀ ପରିଡା ଦୀର୍ଘଦିନ ଧରି ସମ୍ବାଦପତ୍ର ସହିତ ଜଡିତ ରହି ବହୁ ଗଠନମୂଳକ ସମ୍ବାଦ ପରିବେଷଣ କରି ସମାଜର ଉନ୍ନତିରେ ସହାୟକ ହୋଇଥିଲେ । ସେ ଜଣେ ଦକ୍ଷ ଏବଂ ଆଗଧାଡ଼ିର ସମ୍ବାଦିକ ଭାବରେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିଥିଲେ । ତାଙ୍କର ବିୟୋଗରେ ସ୍ଥାନୀୟ ଅଂଚଳ ସହିତ ଜଗତସିଂହପୁର ଜିଲ୍ଲା ସାମ୍ବାଦିକ ମହଲରେ ଶୋକର ଛାୟା ଖେଳିଯାଇଛି । ତାଙ୍କର ପାର୍ଥିବ ଶରୀର ପୈତୃକ ବାସଭବନ ବନମାଳୀପୁରରେ ପହଂଚିବା ପରେ ବହୁ ମାନ୍ୟଗଣ୍ୟ ବ୍ୟକ୍ତି ଓ ଜିଲ୍ଲା ସଦର ମହକୁମାର ଅନେକ ସାମ୍ବାଦିକମାନେ ପହଂଚି ଶବଧାରରେ ପୁଷ୍ପମାଲ୍ୟ ଅର୍ପଣ କରିବା ସହିତ ତାଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ।

ରିପୋର୍ଟ : ଜଗତସିଂହପୁରରୁ ରୀତା ସାହୁ