ଆଇଏନ୍ଆଇଏଫଡି ଭୁବନେଶ୍ୱର ପକ୍ଷରୁ ବାର୍ଷିକ ଡିଜାଇନ୍ ସୋ’ “ନବ୍ୟତା ୨୦୨୩’ ଆୟୋଜିତ
ଭୁବନେଶ୍ୱର : ଇଣ୍ଟରନ୍ୟାସନାଲ୍ ଇନଷ୍ଟିଚ୍ୟୁଟ୍ ଅଫ୍ ଫେସନ୍ ଡିଜାଇନ୍ ପକ୍ଷରୁ ‘ନବ୍ୟତା ୨୦୨୩’ ଆୟୋଜିତ ହୋଇଯାଇଛି । ବଲିଉଡ୍ କଳାକାର ଅମନ ବର୍ମା, ଆଇଏନ୍ଆଇଏଫଡିର ଗ୍ଲୋବାଲ୍ ସିଇଓ ଅନିଲ ଖୋସ୍ଲା, ପ୍ରଫେସର-ଆର୍କିଟେକ୍ଟ ରାଜକୁନାୱାନ ନାୟକ ଏବଂ ଆଇଏନ୍ଆଇଏଫଡି ଭୁବନେଶ୍ୱର କେନ୍ଦ୍ରର ନିର୍ଦ୍ଦେଶକ ଆଶୁତୋଷ ପଣ୍ଡା ପ୍ରମୁଖ ଅତିଥି ଭାବେ ଯୋଗ ଦେଇଥିଲେ । ଏଥିରେ ଅନ୍ୟମାନଙ୍କ ମଧ୍ୟରେ ପୂର୍ବତନ ସାଂସଦ ପ୍ରଦୀପ କୁମାର ମାଝି ଏବଂ ଓଡ଼ିଶା କୋଠା ଓ ଅନ୍ୟାନ୍ୟ ନିର୍ମାଣ ଶ୍ରମିକ କଲ୍ୟାଣ ବୋର୍ଡର ଅଧ୍ୟକ୍ଷ ଶ୍ରୀମୟୀ ମିଶ୍ର ଯୋଗ ଦେଇଥିଲେ ।
ଏହି ଡିଜାଇନ୍ ସୋ’ରେ ଅନୁଷ୍ଠାନର ୨୦୦ରୁ ଅଧିକ ଛାତ୍ରଛାତ୍ରୀ ଚମତ୍କାର ଫେସନ୍ ଓ ଇଣ୍ଟେରିୟର ଡିଜାଇନକୁ ପ୍ରଦର୍ଶିତ କରିଥିଲେ । ଓଡ଼ିଆ ହାସ୍ୟ କଳାକାର ପପୁ ପମ୍ ପମ୍, ଓଲିଉଡ୍ ଅଭିନେତ୍ରୀ ଜାସ୍ମିନ ରଥ, ଅଭିନେତା ଅଭିଶେକ ପଣ୍ଡା ଓ ସଙ୍ଗୀତ ଜଗତର ଚର୍ଚ୍ଚିତ ଚେହେରା ମୃଣ୍ମୟୀ ସୋ’ ଷ୍ଟପର ଭାବେ ଯୋଗ ଦେଇ କାର୍ଯ୍ୟକ୍ରମର ଶୋଭା ବର୍ଦ୍ଧନ କରିଥିଲେ ।
ଦୀର୍ଘ ୨୮ ବର୍ଷର ପରମ୍ପରା ସହ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଫେସନ ଡିଜାଇନ ଦେଶରେ ଡିଜାଇନ ଶିକ୍ଷାରେ ବିପ୍ଳବ ଆଣିଛି । ଭବିଷ୍ୟତ ଲକ୍ଷ୍ୟ, ଗୁରୁତ୍ୱପୂର୍ଣ୍ଣ ସହଯୋଗିତା ଏବଂ ଗବେଷଣା, ନବସୃଜନ ଓ ଉଦ୍ୟମିତା ପ୍ରତି ପ୍ରତିବଦ୍ଧତା ସହ ଏହି ଡିଜାଇନ ଦୁନିଆରେ ହେଉଥିବା ଦ୍ରୁତ ପରିବର୍ତ୍ତନରେ ଆଗରେ ରହିଛି ।
ରିପୋର୍ଟ : ଭୁବନେଶ୍ବରରୁ ଅଭିଜିତ ସିଂ
