ନିର୍ବାଚନ ପୂର୍ବରୁ ଚାଲିଛି ପ୍ରାକ୍ ପ୍ରସ୍ତୁତି…

ବେଗୁନିଆପଡା : ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଅନ୍ତର୍ଗତ ୪୬ ନଂ ଜୋନର ବିଜୁ ଜନତା ଦଳର ଏକ ସାଂଗଠନିକ ବୈଠକ ଖଲ୍ଲିକୋଟସ୍ଥିତ ମା’ ନାରାୟଣୀଙ୍କ ପୀଠରେ ଅନୁଷ୍ଠିତ ହୋଇଯାଇଛି । ଏହି ବୈଠକରେ ବେଗୁନିଆପଡା ବ୍ଲକର ପୂର୍ବତନ ବ୍ଲକ ବିଜେଡି ସଭାପତି ବିଜୟ କୁମାର ଦୋରା ସଭାପତିତ୍ବ କରିଥିବା ବେଳେ ଏଥିରେ ମୁଖ୍ୟ ଅତିଥି ଭାବେ ରାଜ୍ୟ ବିଜେଡି ଯୁବ ସାଧାରଣ ସଂପାଦକ ପ୍ରମୋଦ ପଣ୍ଡା ଯୋଗ ଦେଇଥିଲେ । ବିଜୁ ଜନତା ଦଳର ସଙ୍ଗଠନକୁ ମଜବୁତ୍ କରିବା ସହ ନବୀନ ସରକାର ଏବଂ ରାଣୀ ସାହେବାଙ୍କ ଆଦର୍ଶରେ ଅନୁପ୍ରାଣିତ ହୋଇ କାର୍ଯ୍ୟ କରିବାକୁ ଆହ୍ବାନ ଦେଇଥିଲେ ଦଳୀୟ ନେତା । ଅନ୍ୟାୟ ଓ ଦୁର୍ନୀତି ବିରୋଧରେ ସ୍ବର ଉତ୍ତୋଳନ  କରିବା ସହ ପ୍ରତ୍ୟେକ ଲୋକଙ୍କର ସୁବିଧା ଅସୁବିଧାରେ ଠିଆ ହୋଇ କାର୍ଯ୍ୟ କରିବା ସହ ପ୍ରତ୍ୟେକ ଓ୍ବାର୍ଡରେ କମିଟି ଗଠନ କରି ରାଜ୍ୟ ସରକାରଙ୍କର ବିଭିନ୍ନ ଜନହିତକର ଯୋଜନା ସମ୍ପର୍କରେ ଲୋକଙ୍କୁ ସଚେତନତା କରେଇବା ଲାଗି ପରାମର୍ଶ ଦେଇଥିଲେ ଛାମୁଆ ନେତା । ଏହି ଅବସରରେ ଆଗାମୀ ଦିନରେ ସଂଗଠନକୁ ବ୍ୟାପକ କରିବା ପାଇଁ ନିଷ୍ପତି ଗ୍ରହଣ କରାଯାଇଥିଲା । ଏଥିରେ ୪୬ ନଂ ଜୋନ ଅନ୍ତର୍ଗତ ୮ଟି ପଞ୍ଚାୟତର ଯୁବକମାନେ ସାମିଲ ହୋଇଥିଲେ ।

ରିପୋର୍ଟ : ବେଗୁନିଆପଡାରୁ ବାପୁନି କୁମାର ମାଲୁ