୧୫ ଲକ୍ଷ ଟଙ୍କାରେ ହେରୋଇନ ଜବତ…
ଜଗତସିଂହପୁର : ଜଗତସିଂହପୁର ଜିଲ୍ଲାରେ ଦିନକୁ ଦିନ ବ୍ୟାପକ ପରିମାଣରେ ବ୍ରାଉନ ସୁଗାର ଓ ହେରୋଇନ କାରବାର ବଢିବାରେ ଲାଗିଛି । ପୋଲିସ ଓ ଅବକାରୀ ବିଭାଗ ପକ୍ଷରୁ ବାରମ୍ବାର ବିଭିନ୍ନ ସ୍ଥାନରେ ଚଢ଼ାଉ କରି ବ୍ୟାପକ ପରିମାଣର ଧଳାଜହର ଜବତ କରାଯାଉଥିଲେ ମଧ୍ୟ ଏହାର କାରବାର ବନ୍ଦ ହେବା ପରିବର୍ତ୍ତେ ବୃଦ୍ଧି ପାଇବାରେ ଲାଗିଛି । ଏ ନେଇ ବିଳମ୍ବିତ ରାତିରେ ଜିଲ୍ଲା ଅବକାରୀ ବିଭାଗ ସଦର ଥାନା ଅନ୍ତର୍ଗତ ପୁରୁଣା ଗଡ ନିକଟରେ ଚଢାଉ କରି ୧୫୦ ଗ୍ରାମ ହେରୋଇନ ଜବତ କରିବା ସହିତ ଜଣେ ଯୁବକକୁ ଗିରଫ କରିଛି ପୋଲିସ । ଗିରଫ ଯୁବକ ଜଣକ ହେଲା ପୁରୁଣା ଗଡ଼ ଗାଁର କୁନା କାଣ୍ଡି । ତେବେ ଜବତ ହେରୋଇନର ଆନୁମାନିକ ମୂଲ୍ୟ ୧୫ ଲକ୍ଷ ୩୦ ହଜାର ଟଙ୍କା ହେବ ବୋଲି ଜିଲ୍ଲା ଅବକାରୀ ବିଭାଗ ପକ୍ଷରୁ ଆକଳନ କରାଯାଇଛି ।
ରିପୋର୍ଟ : ଜଗତସିଂହପୁରରୁ ରୀତା ସାହୁ
