ନେତ୍ରୀ ହେବ ତ ଆମ କବିସୂର୍ଯ୍ୟନିଗର ବିଧାୟିକା ଲତିକା ମ୍ୟାଡମଙ୍କ ପରି ହୁଅ…
ଗଞ୍ଜାମ: ନେତ୍ରୀ ହେବ ତ ଆମ କବିସୂର୍ଯ୍ୟନିଗର ବିଧାୟିକା ଲତିକା ମ୍ୟାଡମଙ୍କ ପରି ହୁଅ । କାରଣ ସେ ହେଉଛନ୍ତି ଆମ ଅଞ୍ଚଳର ଆମ ପରିବାରର ସଦସ୍ୟା । ଆମର ସୁଖ ହେଉ ଅବା ଦୁଃଖ ସବୁବେଳେ ଆମ ସାଥିରେ ରୁହନ୍ତି ଆମ ଲତିକା ମ୍ୟାଡମ । ରାତି ହେଉ ଅବା ଦିନ ଯେତେବେଳେ ଆମର ଦରକାର ପଡେ ଆମ ଲତିକା ଦିଦି ଆମ ପାଖରେ ସବୁବେଳେ ଠିଆ ହୁଅନ୍ତି । ଏ ଦୃଶ୍ୟ ହେଉଛି ଗଞ୍ଜାମ ଜିଲ୍ଲା କୋଦଳା ଥାନା ଅନ୍ତର୍ଗତ ମର୍ଦକୋଟ ଗ୍ରାମର । ଏହି ଗ୍ରାମର ଜଣେ ବ୍ୟକ୍ତିଙ୍କର ଦୁବାଇରେ ମୃତ୍ୟୁ ହୋଇଥିଲା । ମୃତ ବ୍ୟକ୍ତି ଜଣକ ହେଲେ ମର୍ଦ୍ଦକୋଟ ଛକ ସାହିର ୫୦ ବର୍ଷୀୟ ଧୃବ ଚରଣ ବରାଡ । ସେ ଦୁବାଇର ଏକ ଘରୋଇ ସଂସ୍ଥାରେ ଶ୍ରମିକ ଭାବେ କାର୍ଯ୍ୟ କରୁଥିବା ବେଳେ ଗତ ଏପ୍ରିଲ୨୪ ତାରିଖରେ ତାଙ୍କର ହୃଦଘାତ କାରଣରୁ ମୃତ୍ୟୁ ହୋଇଥିଲା ।
ମୃତ ଶରୀରକୁ ନିଜ ଗ୍ରାମକୁ ଫେରାଇ ଆଣିବା ପାଇଁ ମୃତକଙ୍କ ପରିବାର ସ୍ଥାନୀୟ ସରପଞ୍ଚ ସନ୍ତୋଷ କୁମାର ବିଶ୍ୱାଳଙ୍କୁ ନିବେଦନ କରିଥିଲେ । ପରିବାର ଲୋକଙ୍କ ଗୁହାରୀ ନେଇ ସରପଞ୍ଚ ଯାଇଥିଲେ କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନଙ୍କ ନିକଟକୁ । ଆଉ ଲତିକା ଦିଦି ଏହି କଥା ଶୁଣିବା ପରେ ତୁରନ୍ତ ଏହି ଘଟଣାକୁ ଗମ୍ଭୀରତାର ସହ ନେଇ କାର୍ଯ୍ୟ ଆରମ୍ଭ କରିଥିଲେ । ଆଉ ତାଙ୍କ ହସ୍ତକ୍ଷେପ ପରେ ଆଜି ପରିବାର ଲୋକ ନିଜ ଆତ୍ମୀୟଙ୍କ ଶେଷ ଦର୍ଶନ କରିବାର ସୁଯୋଗ ପାଇଛନ୍ତି ।
ବିଧାୟିକା ଓଡିଶା ମୋ ପରିବାର ସହାୟତାରେ ମୃତ ଶରୀରକୁ ଦୁବାଇରୁ ମର୍ଦକୋଟକୁ ଆଣିବାରେ ସଫଳ ହୋଇଛନ୍ତି । ଧ୍ରୁବଙ୍କ ଶେଷ ଦର୍ଶନ ନିମନ୍ତେ ବିଧାୟିକା ନିଜେ ଉପସ୍ଥିତ ରହି ଶୋକସନ୍ତପ୍ତ ପରିବାରକୁ ସମବେଦନା ଜଣାଇଛନ୍ତି । ଏହି ସମୟରେ ତାଙ୍କ ସହ ସରପଞ୍ଚ, ବ୍ଲକ ଉପାଧ୍ୟକ୍ଷ ସୁଧାକର ପ୍ରଧାନ, ଆସିକା ସମବାୟ ନିର୍ଦେଶକ ହୃଷିକେଶ ମେହେଣାଙ୍କ ସମେତ ଗ୍ରାମବାସୀ ମୃତ ଶରୀରକୁ ପୁଷ୍ପ ପ୍ରଦାନ କରିବା ସହ ମୃତକଙ୍କ ଅମର ଆତ୍ମାର ସଦଗତି କାମନା କରିଥିଲେ । ଏ ନେଇ ପରିବାର ପକ୍ଷରୁ ବିଧାୟିକା ଓ ସରପଞ୍ଚଙ୍କୁ କୃତଜ୍ଞତା ଜଣାଯାଇଛି ।
ସୂଚନା ଅନୁସାରେ, ଧ୍ରୁବ ଦୀର୍ଘ ୮ ବର୍ଷ ଧରି ଦୁବାଇରେ କାର୍ଯ୍ୟରତ ଥିଲେ । ତେବେ ଗତ ବର୍ଷକ ତଳେ ସେ ଝିଅ ବାହାଘର ପାଇଁ ଗାଁକୁ ଆସି ଫେରିଯାଇଥିଲେ ।
ରିପୋର୍ଟ: ବେଗୁନିଆପଡାରୁ ବାପୁନି କୁମାର ମାଲୁ
