ଜଗତସିଂହପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ସିଟିସ୍କାନ ମେସିନ ଉଦଘାଟିତ

ଜଗତସିଂହପୁର (ରୀତା ସାହୁ): ଜଗତସିଂହପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ସିଟି ସ୍କାନ ମେସିନ ଉଦଘାଟିତ ହୋଇଯାଇଛି । କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ସରକାରୀ ଦଳର ମୁଖ୍ୟ ସଚେତକ ପ୍ରଶାନ୍ତ କୁମାର ମୁଦୁଲି, ସାଂସଦ ଡା ରାଜଶ୍ରୀ ମଲ୍ଲିକ, ଅତିରିକ୍ତ ଜିଲ୍ଲାପାଳ ସଚ୍ଚିଦାନନ୍ଦ ସାହୁ, ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଡା କ୍ଷେତ୍ରବାସୀ ଦାଶ୍ ପ୍ରମୁଖ ଯୋଗ ଦେଇ ଏହି ସିଟି ସ୍କାନ ମେସିନକୁ ଉଦ୍ଘାଟନ କରିଥିଲେ । ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆସୁଥିବା ରୋଗୀମାନେ ଏହା ଦ୍ୱାରା ଉପକୃତ ହୋଇପାରିବେ ବୋଲି ମୁଖ୍ୟ ଅତିଥି ମତ ପ୍ରକାଶ କରିଛନ୍ତି । ପୂର୍ବରୁ ଜିଲ୍ଲାବାସୀ ସିଟିସ୍କାନ ପାଇଁ କଟକ ଉପରେ ନିର୍ଭର କରୁଥିବାବେଳେ ଅଧିକ ଖର୍ଚ୍ଚାନ୍ତ ହେଉଥିଲେ । ହେଲେ ଏବେ ଜିଲ୍ଲାବାସୀ ମାଗଣାରେ ଏହି ସୁବିଧା ପାଇପାରିବେ ବୋଲି ବୋଲି ସାଂସଦ ଡା ରାଜଶ୍ରୀ ମଲ୍ଲିକ କହିଛନ୍ତି ।