ଗଜପତିରେ ପରମ ପ୍ରେମମୟ ଶ୍ରୀଶ୍ରୀ ଠାକୁର ଅନୁକୂଳ ଚନ୍ଦ୍ରଙ୍କର ୧୩୫ତମ ଜନ୍ମ ଉତ୍ସବ ପାଳିତ

ଗଜପତି (ବିବେକାନନ୍ଦ ବେହେରା): ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡିର ମହେନ୍ଦ୍ରତନୟା ନିକଟରେ ଥିବା ସତସଙ୍ଗ ବିହାରରେ ପରମ ପ୍ରେମମୟ ଶ୍ରୀ ଶ୍ରୀ ଠାକୁର ଅନୁକୂଳ ଚନ୍ଦ୍ରଙ୍କର ୧୩୫ତମ ଜନ୍ମ ଉତ୍ସବ ମହାସମାରୋହରେ ପାଳିତ ହୋଇଯାଇଛି । ଏହି ଅବସରରେ ଶ୍ରୀ ଶ୍ରୀ ଠାକୁରଙ୍କ ବିଗ୍ରହକୁ ରଥାରୂଢ କରି ଶତାଧିକ ଭକ୍ତ ନଗର ପରିକ୍ରମା କରିବା ସହ ନଗର କୀର୍ତ୍ତନ କରିଥିଲେ । ଆୟୋଜିତ ଉତ୍ସବରେ ସୁଦୂର ନିମାପଡାରୁ ମୁଖ୍ୟ ଅତିଥି ପୁଲିନ୍ କୁମାର ନାୟକ ଯୋଗ ଦେଇଥିବା ବେଳେ ହରିଦ୍ୱାରରୁ ବାବା ପୁରବ ହିସାବର ଅଧିସ୍ଥଳୀର କର୍ମୀ ପ୍ରଶାନ୍ତ କୁମାର ପ୍ରଧାନ, ଶ୍ରୀ ପଟ୍ଟନାୟକ, ଶୁଭେନ୍ଦୁ ପାଣିଗ୍ରାହୀ, ହରିଶ ଚନ୍ଦ୍ର ଦାସ, ହୃଦୟାନନ୍ଦ ପଣ୍ଡା ଓ ଶତାଧିକ ଭକ୍ତ ଯୋଗ ଦେଇଥିଲେ । ଏଥିରେ ସତସଙ୍ଘ ବିହାରରେ ସଙ୍ଗୀତ ପରିବେଷଣ ଓ ପ୍ରସାଦ ସେବନ ସହ ଜୟଗୁରୁ ଧ୍ବନିରେ ମନ୍ଦିର ପରିସରରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା । ଉତ୍ସବରେ ଜିଲ୍ଲାର ସମସ୍ତ ବ୍ଲକରୁ ଗୁରୁଭାଇ ଓ ମାଆମାନେ ସକ୍ରିୟ ସହଯୋଗ କରି ସତସଙ୍ଗକୁ ସଫଳ କରିଥିଲେ ।