ରିଲିଜ୍ ହେବାକୁ ଯାଉଛି ପାୱାର ପ୍ୟାକ୍ ଚଳଚ୍ଚିତ୍ର ‘ଜହ୍ନ ରାତିର ସାଥି’
(ବ୍ୟୁରୋ ରିପୋର୍ଟ): ରହସ୍ୟ ସାଙ୍ଗକୁ ରୋମାଞ୍ଚଭରା କାହାଣୀ, ଆଉ ସହିତ ପ୍ରଜ୍ଞା ଓ ଶଙ୍କରଙ୍କ ସୁପର କମେଡି ଏବଂ ଚୌଧୁରୀ ଜୟପ୍ରକାଶ ଦାସ (ଟିଲୁ ଭାଇନା)ଙ୍କ ଇମୋସନାଲ କ୍ୟାରେକ୍ଟରକୁ ନେଇ ପ୍ରସ୍ତୁତ ହୋଇଛି ଓଡିଆ ଚଳଚ୍ଚିତ୍ର ‘ଜହ୍ନ ରାତିର ସାଥି’ । ଚଳଚ୍ଚିତ୍ରରେ ସୁପରଷ୍ଟାର ସିଦ୍ଧାନ୍ତ ମହାପାତ୍ର ତିନି ତିନିଟି ଭିନ୍ନ ଭୂମିକାରେ ଅବତୀର୍ଣ୍ଣ ହୋଇଥିବାବେଳେ ପ୍ରଥମଥର ଲାଗି ପୁନମ୍ ଏକ ଗମ୍ଭୀର ଚରିତ୍ରରେ ଦର୍ଶକଙ୍କ ସାମ୍ନାକୁ ଆସିବେ । ଏହି ଚଳଚ୍ଚିତ୍ରରେ ନାୟକ ଭୂମିକାରେ ସମ୍ବିତ ଥିବାବେଳେ ନାୟିକ ରହିଛନ୍ତି ଶୀତଲ । ଅନ୍ୟାନ୍ୟ ଚରିତ୍ରରେ ସମରେଶ, ପୃଥ୍ବୀରାଜ ଓ ନୈନା ଦାଶ ପ୍ରମୁଖ ନଜର ଆସିବେ ।
ଆର୍ଟମାସ କ୍ରିଏଟିଭସ୍ ପ୍ରା. ଲି. ଦ୍ବାରା ପ୍ରସ୍ତୁତ ଏହି ଚଳଚ୍ଚିତ୍ରରେ ପ୍ରଯୋଜନା ଭାର ଅଜୟ କୁମାର ରାଉତ ସମ୍ଭାଳିଥିବାବେଳେ ସହ ପ୍ରଯୋଜନା ଭାର ସମ୍ଭାଳିଛନ୍ତି ରାଜା ରାଥୋଡ ଓ ନାରାୟଣ ଜେନା । ଜିତେନ୍ଦ୍ର ଜେନା ଓ ଅଜୟ କୁମାର ରାଉତଙ୍କ କାହାଣୀ ଓ ଚିତ୍ରନାଟ୍ୟରେ ପ୍ରସ୍ତୁତ ଫିଲ୍ମକୁ ସଙ୍ଗୀତରେ ସଜାଇଛନ୍ତି ଗୁଡଲୀ ରଥ । ଅଜୟ କୁମାର ରାଉତ ସଂଳାପ ରଚନା କରିଥିବାବେଳେ ନୃତ୍ୟ ନିର୍ଦ୍ଦେଶନା ଦେଇଛନ୍ତି ଅମିତ୍ ନାୟକ । ରୋମାନ୍ସ, ଥ୍ରୀଲିର, କମେଡି ଓ ଇମୋସନକୁ ନେଇ ଫୁଲ୍ ପାୱାର ପ୍ୟାକ୍ ଚଳଚ୍ଚିତ୍ର ‘ଜହ୍ନ ରାତିର ସାଥି’ ଖୁବ୍ ଶୀଘ୍ର ସିନେମା ହଲରେ ରିଲିଜ ହେବ ବୋଲି କହିଛନ୍ତି ପ୍ରଯୋଜକ ।
