ବଞ୍ଚିଗଲା କଂଗ୍ରେସ !
ଦେଶର ଧୀରେ ଧୀରେ ସତ୍ତା ହରାଉଛି କଂଗ୍ରେସ । ଏଭଳି ସ୍ଥଳେ ହିମାଚଳ ପ୍ରଦେଶରେ କଂଗ୍ରେସ ନିଜର ସ୍ଥିତି ଜାହିର କରି ନିଜର ସମ୍ମାନ ବଞ୍ଚାଇବାକୁ ଯାଉଛି । ବର୍ତ୍ତମାନ ସୁଦ୍ଧା କଂଗ୍ରେସ କେବଳ ରାଜସ୍ଥାନ ଏବଂ ଛତିଶଗଡରେ କ୍ଷମତାଧୀନ ଥିବାବେଳେ ସେଠାରେ ପରବର୍ତ୍ତୀ ନିର୍ବାଚନ ୨୦୨୩ରେ ହେବ ।
ହିମାଚଳ ପ୍ରଦେଶରେ ମୋଟ ୬୮ ଟି ଆସନରୁ ବିଜେପି ୨୬ଟି ଆସନରେ ଆଗୁଆ ରହିଥିବାବେଳେ କଂଗ୍ରେସ ଏଠାରେ ଭଲ ପ୍ରଦର୍ଶନ କରି ସରକାର ଗଠନ କରିବା ଦିଗରେ ଆଗେଇଛି । କଂଗ୍ରେସ ବର୍ତ୍ତମାନର ଗଣତି ଅନୁସାରେ ୩୯ଟି ଆସନରେ ଆଗୁଆ ରହିଛି । ହେଲେ ଏଠାରେ ଆମ୍ ଆଦମୀ ପାର୍ଟି ଖାତା ଖୋଲିବାରେ ଅସମର୍ଥ ହୋଇଛି । ଅନ୍ୟାନ୍ୟ ଦଳ ୩ଟିରେ ଲିଡ୍ କରୁଛନ୍ତି ।
