5T ରୂପାନ୍ତରଣ ବିଦ୍ୟାଳୟର ଅନୁଧ୍ୟାନ କରୁଛନ୍ତି ଜିଲ୍ଲାସ୍ତରୀୟ ଅଧିକାରୀ

ଗଜପତି: 5T ରୂପାନ୍ତରଣ ବିଦ୍ୟାଳୟର ଅନୁଧ୍ୟାନ କରୁଛନ୍ତି ଜିଲ୍ଲାସ୍ତରୀୟ ଅଧିକାରୀ । ଗଜପତି ଜିଲ୍ଲାର ଜିଲ୍ଲାପାଳ ଲିଙ୍ଗରାଜ ପଣ୍ଡାଙ୍କ ଅଧ୍ୟକ୍ଷତାରେ ଗୋଟିଏ ଟିମ୍ ଗୁମ୍ମା ବ୍ଲକସ୍ଥିତ ଉନ୍ନୀତ ଉଚ୍ଚ ବିଦ୍ୟାଳୟକୁ ଅନୁଧ୍ୟାନ କରିଛନ୍ତି । ଏହି ପରିପ୍ରେକ୍ଷୀରେ ଜିଲ୍ଲାସ୍ତରୀୟ ଅଧିକାରୀମାନେ ଆସି ବିଦ୍ୟାଳୟର 5T ରୂପାନ୍ତରଣ କାର୍ଯ୍ୟକୁ ସମୀକ୍ଷା କରିଛନ୍ତି । ଏହି ସମୟରେ ଜିଲ୍ଲାପାଳ ସ୍ମାର୍ଟ ଶ୍ରେଣୀଗୃହ, ଇ-ଲାଇବ୍ରେରୀ ଓ ଆଧୁନିକ ବିଜ୍ଞାନଗାର ଦେଖି ନିଜର ଖୁସି ବ୍ୟକ୍ତ କରିଥିଲେ । ଏହି ସମୟରେ ବିଭିନ୍ନ ବିଦ୍ୟାଳୟରୁ ଆସିଥିବା ପ୍ରଧାନଶିକ୍ଷକ, ପି.ଆର୍.ଆଇ ସଦସ୍ୟଙ୍କୁ ବିଦ୍ୟାଳୟ କାର୍ଯ୍ୟକୁ ଉଦାହରଣ ମାନି ନିଜ ନିଜ ଅଞ୍ଚଳର ଥିବା ବିଦ୍ୟାଳଗୁଡିକରେ ଏଭଳି କାର୍ଯ୍ୟ କରିବା ପାଇଁ ପରାମର୍ଶ ଦେଇଥିଲେ । ଏହା ସହ ବିଦ୍ୟାଳୟରେ ଚାଲିଥିବା ଏଲ୍.ଆର୍.ପି କାର୍ଯ୍ୟକ୍ରମ ଦେଖି ଜିଲ୍ଲାପାଳ ସନ୍ତୋଷ ବ୍ୟକ୍ତ କରିଥିଲେ । ବିଦ୍ୟାଳୟ ନିରିକ୍ଷଣ ସମୟରେ ଗୁମ୍ମା ଶିକ୍ଷାଧିକାରୀ ନୟନ କୁମାର ମଣ୍ଡଳ, ଗୁମ୍ମା ବ୍ଲକ ଉନ୍ନୟନ ଅଧିକାରୀ, ବ୍ଲକ ଚେୟାରମେନ ସୁନେମି ମଣ୍ଡଳ, ଜୀବା ସରପଞ୍ଚ ଏଡେଙ୍ଗା ଶବର, ମୋରୀୟମ ରଇତ ଓ ବ୍ଲକର ଅନ୍ୟାନ୍ୟ ବୁଦ୍ଧିଜୀବୀ ପ୍ରମୁଖ ଉପସ୍ଥିତ ଥିଲେ । ଏହି ପରିପ୍ରେକ୍ଷୀରେ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ 5T ରୂପାନ୍ତରିକରଣର ଉପାଦେୟତା ଓ ଏହି ଅଞ୍ଚଳର ଛାତ୍ରଛାତ୍ରୀଙ୍କ ଭବିଷ୍ୟତ ଗଠନରେ ଏହାର ଭୂମିକା ବିଷୟରେ ବୁଝାଇଥିଲେ ।

ଗଜପତିରୁ ବିବେକାନନ୍ଦ ବେହେରା