ବାୟୋଲୋଜିକାଲ ବିଜ୍ଞାନରେ ହେଉଥିବା ଏକ୍ସପେରିମେଣ୍ଟକୁ ଲୋକଙ୍କ ନିକଟରେ ପହଞ୍ଚାଇବା “ଏମ୍ ବୋ”ର ମୂଳଲକ୍ଷ୍ୟ

ଜଟଣୀ: ଜଟଣୀ ସ୍ଥିତ ନାଇଜର କ୍ୟାମ୍ପସ ପରିସରରେ ଇଣ୍ଟରନ୍ୟାସନାଲ୍ କନଫରେନ୍ସ କାର୍ଯ୍ୟକ୍ରମ “ଏମ୍ ବୋ” ଅନୁଷ୍ଠିତ ହୋଇଯାଇଛି I ଏହି କାର୍ଯ୍ୟକ୍ରମର ଆଭିମୁଖ୍ୟ ହେଉଛି ବାୟୋଲୋଜିକାଲ ବିଜ୍ଞାନରେ ହେଉଥିବା ବିଭିନ୍ନ ପ୍ରକାରର ଉଦ୍ଭାବନ ଏବଂ ଆବିଷ୍କାର ଜନସାଧାରଣଙ୍କ ନିକଟରେ କିଭଳି ସହଜରେ ପହଞ୍ଚିପାରିବ । ଏହି କାର୍ଯ୍ୟକ୍ରମ ସର୍ବପ୍ରଥମେ ୧୯୯୮ ମସିହାରେ ବମ୍ବେରେ ଥିବା ଟାଟା ଇନଷ୍ଟିଚ୍ୟୁଟ୍ ଅଫ୍ ଫଣ୍ଡାମେଣ୍ଟାଲ୍ ରିସର୍ଚ୍ଚରେ ଆରମ୍ଭ ହେଇଥିଲା I ତେବେ ବର୍ତ୍ତମାନ ଦ୍ବିତୀୟ ଥର ଏହି କାର୍ଯ୍ୟକ୍ରମ ଜଟଣୀ ସ୍ଥିତ ନାଇଜରରେ ଅନୁଷ୍ଠିତ ହେଉଥିବାରୁ ଓଡିଶାର ଗବେଷକ ଏ ନେଇ ବିଶେଷ ଲାଭବାନ୍ ହେବେ ବୋଲି କହିଛନ୍ତି ନାଇଜରର କୁଳସଚିବ ଡାକ୍ତର ଅଭୟ କୁମାର ନାୟକ । ଏହି କାର୍ଯ୍ୟକ୍ରମ ୮ ତାରିଖରୁ ଆରମ୍ଭ ହୋଇ ଆସନ୍ତା ୧୧ ତାରିଖ ପର୍ଯ୍ୟନ୍ତ ଚାଲିବ I ଏଥିରେ ଏସିଆ, ଆମେରିକା, ଜାପାନ, ଅଷ୍ଟ୍ରେଲିଆ ପ୍ରମୁଖ ବହୁ ଦେଶର ପ୍ରାୟ ୧୫୦ରୁ ଉର୍ଦ୍ଧ୍ବ ଗବେଷକମାନେ ଯୋଗ ଦେଇ ଥିବାବେଳେ ୩୦୦ ରୁ ଅଧିକ ଗବେଷକମାନେ ଭର୍ଚୁଆଲ ମୋଡରେ ଏଥିରେ ଯୋଗ ଦେଇଥିଲେ ।

ଜଟଣୀରୁ ପ୍ରଶାନ୍ତ କୁମାର ସାହୁ