ଦଶମ ରାଉଣ୍ଡ ଗଣତି ଶେଷ: ବିଜେପି କାର୍ଯ୍ୟାଳୟରେ ଝାଞ୍ଜ ସଂକୀର୍ତ୍ତନ
ଧାମନଗର: ଟ୍ରେଣ୍ଡରେ ବିଜେପି ଆଗରେ । ଏହାକୁ ନେଇ ଧାମନଗର ବିଜେପି କାର୍ଯ୍ୟାଳୟରେ ଖୁସିର ମାହୋଲ । ଝାଞ୍ଜ ସଂକୀର୍ତ୍ତନ ମାଧ୍ୟମରେ ଉତ୍ସବ ପାଳନ କରୁଛନ୍ତି ବିଜେପି କର୍ମୀ । ଦଶମ ରାଉଣ୍ଡ ଗଣିତ ଶେଷ ସୁଦ୍ଧା ବିଜେପି ପ୍ରାର୍ଥୀ ସୂରଜ ସୂର୍ଯ୍ୟବଂଶୀ ତାଙ୍କ ନିକଟତମ ପ୍ରତିଦ୍ବନ୍ଦୀ ଅବନ୍ତୀ ଦାସଙ୍କଠାରୁ ୪୮୪୫ ଭୋଟରେ ଆଗୁଆ ଥିବା ସୂଚନା ।
ବର୍ତ୍ତମାନ ସୁଦ୍ଧା ସୂରଜ ସୂର୍ଯ୍ୟବଂଶୀଙ୍କୁ ୪୫ହଜାର ୩୨୧ ଖଣ୍ଡ ଭୋଟ ମିଳିଥିବା ବେଳେ ବିଜେଡି ପ୍ରାର୍ଥୀ ଅବନ୍ତୀ ଦାସଙ୍କୁ ୪୦ହଜାର ୪୭୬ ଖଣ୍ଡ ଭୋଟ, କଂଗ୍ରେସ ପ୍ରାର୍ଥୀ ବାବା ହରେକୃଷ୍ଣ ସେଠୀଙ୍କୁ ୧୮୯୫, ସ୍ୱାଧୀନ ପ୍ରାର୍ଥୀ ରାଜୁ ଦାସଙ୍କୁ ହଜାରେ ୫ହଜାର ୯୪୭ଖଣ୍ଡ ଭୋଟ ମିଳିଛି । ନୋଟାରେ ୩୮୯ ଜଣ ଭୋଟ୍ ଦେଇଥିବା ସୂଚନା ମିଳିଛି ।
ପ୍ରଥମ ରାଉଣ୍ଡରେ ୭୭୯, ଦ୍ୱିତୀୟ ରାଉଣ୍ଡରେ ୧୩୭୯, ତୃତୀୟ ରାଉଣ୍ଡରେ ୨୦୩୩, ଚତୁର୍ଥ ରାଉଣ୍ଡରେ ୩୨୬୧ ଖଣ୍ଡ, ପଞ୍ଚମ ରାଉଣ୍ଡରେ ୩୫୭୨ ଖଣ୍ଡ, ଷଷ୍ଠ ରାଉଣ୍ଡରେ ୪୩୯୨, ସପ୍ତମ ରାଉଣ୍ଡରେ ୫୨୦୦, ଅଷ୍ଟମ ରାଉଣ୍ଡରେ ୫୯୯୧, ନବମ ରାଉଣ୍ଡରେ ୫୨୬୫ ଓ ଦଶମ ରାଉଣ୍ଡରେ ୪୮୪୫ ଭୋଟ୍ରେ ଆଗରେ ରହିଛନ୍ତି ସୂର୍ଯ୍ୟବଂଶୀ ।
୧୪ଟି ଟେବୁଲରେ ୧୮ ରାଉଣ୍ଡ ପର୍ଯ୍ୟନ୍ତ କାଉଟିଂ ହେବ । ଭୋଟ ଗଣତି ପାଇଁ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା କରାଯାଇଛି । କେନ୍ଦ୍ରୀୟ ସୁରକ୍ଷାବଳ ଓ ରାଜ୍ୟ ପୁଲିସ ନିୟୋଜିତ ହୋଇଛନ୍ତି ।
