ଓଏଏସ୍ ପରୀକ୍ଷାରେ ୩୪ତମ ସ୍ଥାନ ଅକ୍ତିଆର କଲେ ସ୍ୱାହା ମହାନ୍ତି

ଓଏଏସ୍ ପରୀକ୍ଷାରେ ଜଗତସିଂହପୁରର ଝିଅ ସ୍ୱାହା ମହାନ୍ତି ୩୪ତମ ସ୍ଥାନ ଅକ୍ତିଆର କରି ଜିଲ୍ଲା ପାଇଁ ଆଣିଛନ୍ତି ଗର୍ବ ଏବଂ ଗୌରବ । ଗୋପଳସାଗର ଅଞ୍ଚଳର ସ୍ବର୍ଗତ ମନୋଜ କୁମାର ମହାନ୍ତି ଓ  ଗୀତାଞ୍ଜଳି ମହାନ୍ତିଙ୍କର କନ୍ୟା ହେଉଛନ୍ତି ସ୍ବାହା । ଭୁବନେଶ୍ୱର ସ୍ଥିତ ଓୟୁଏଟି ବିଶ୍ୱ ବିଦ୍ୟାଳୟରୁ ୨୦୧୮ରେ କୃଷି ବିଜ୍ଞାନରେ ସ୍ନାତକୋତ୍ତର ହାସଲ କରିବା ପରେ OAS ପାଇଁ ସେ ପ୍ରସ୍ତୁତି ଆରମ୍ଭ କରିଥିଲେ । ତାଙ୍କର ଏହି ସଫଳତାରେ ତାଙ୍କ ପରିବାର ଓ ଆତ୍ମୀୟ ସ୍ବଜନ ବେଶ୍ ଗର୍ବିତ ବୋଲି କହିଛନ୍ତି । ଏହି ଅଵସରରେ ଜଗତସିଂହପୁର ସାରସ୍ୱତ ପରିଷଦର ସଭାପତି ଅଧ୍ୟାପକ ହିମାଂଶୁ ଆଚାର୍ଯ୍ୟ ଗୋପାଳସାଗର ସ୍ଥିତ ତାଙ୍କ ବାସଭବନରେ ପହଞ୍ଚି ସ୍ବାହାଙ୍କୁ ପୁଷ୍ପଗୁଚ୍ଛ ସହ ଉତ୍ତରୀୟ ପ୍ରଦାନ କରି ତାଙ୍କର ଉତ୍ତୋରତ୍ତର ଉନ୍ନତି କାମନା କରିଛନ୍ତି । ଏହି ସମ୍ବର୍ଦ୍ଧନା କାର୍ଯ୍ୟକ୍ରମରେ ଶିକ୍ଷାବିତ୍ତ ସୋମନାଥ ସ୍ଵାଇଁଙ୍କ ସମେତ ଅନ୍ୟ ଅତିଥିଗଣ ଉପସ୍ଥିତ ରହି ତାଙ୍କୁ ଶୁଭାଶିଷ ଜଣାଇଛନ୍ତି ।

ଜଗତସିଂହପୁରରୁ ଶ୍ରୀରାଜ ସାହୁ