ଅଁଳାପାଲିରେ ସ୍ବଚ୍ଛତା ହିଁ ସେବା କାର୍ଯ୍ୟକ୍ରମ ଅନୁଷ୍ଠିତ

ଅଁଳାପାଲି ପଞ୍ଚାୟତ ଅନ୍ତର୍ଗତ ଗ୍ରାମୀଣ ପାଠାଗାରରେ ସରପଞ୍ଚ ଅଜିତ ମେହେରଙ୍କ ସଭାପତିତ୍ବରେ ସ୍ୱଚ୍ଛତା ହିଁ ସେବା ଅନୁଷ୍ଠିତ ହୋଇଯାଇଛି । ଏଥିରେ ସରକାରଙ୍କ ତଫରୁ ଆସିଥିବା PHDMA କମିଟିର ସଦସ୍ୟ ଫୁଲମଣୀ ଲାକ୍ରା ଓ ମୋନାଲିସା ନାଏକ ଉପସ୍ଥିତ ଥିଲେ । ଏହି ଅବସରରେ ଦନ୍ତାପାଲିରେ ଥିବା ଗ୍ରାମୀଣ ପାଠାଗାର ପରିସର ସଫେଇ କରାଯାଇଥିଲା । ସଫେଇ କାର୍ଯ୍ୟକ୍ରମରେ ସ୍ଵୟଂ ସହାୟକ ଗୋଷ୍ଠୀ ରାମେଶ୍ବରର ସଭାପତି ରଞ୍ଜିତା ବାରିକ, ଅନଷୂୟା କର୍ଣ୍ଣ, ସବିତା ସାହୁ, ଅଞ୍ଜଳି ହାତୀ, ସବିତା ପ୍ରଧାନ ଓ ଅନ୍ୟାନ୍ୟ ସଦସ୍ୟା ଅଂଶ ଗ୍ରହଣ କରିଥିଲେ । କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ଗୋବିନ୍ଦ ସାହୁ, ଶିକ୍ଷାବିତ୍ ତଥା ସ୍ବେଚ୍ଛାସେବୀ ପ୍ରଶାନ୍ତ ଚନ୍ଦ୍ର ପଣ୍ଡା, ଆସ୍ଥିକ ମହାକୁଡ ଉପସ୍ଥିତ ଥିଲେ । ସ୍ୱଚ୍ଛତା ହିଁ ସେବା କାର୍ଯ୍ୟକ୍ରମରେ ପାଲା କାର୍ଯ୍ୟକ୍ରମ ମଧ୍ୟ କରାଯାଇଥିଲା ।

ବୌଦ୍ଧରୁ ସୁମନ୍ତ ମେହେର