ଓଡ଼ିଶାର ବାଲେଶ୍ୱରରେ ଆକାଶ ବାଇଜୁସ୍ ପ୍ରଥମ କ୍ଲାସରୁମ୍ ସେଂଟର ଉଦ୍ଘାଟିତ

ଆକାଶ ବାଇଜୁସ୍ ପକ୍ଷରୁ ଓଡ଼ିଶାର ବାଲେଶ୍ୱରରେ ଏହାର ପ୍ରଥମ କ୍ଲାସରୁମ୍ ସେଂଟର ଉଦଘାଟିତ ହୋଇଯାଇଛି । ଏହି ନୂଆ ସେଂଟରରେ ୯ଟି କ୍ଲାସରୁମ୍ ରହିଛି ଯେଉଁଥିରେ ୮୦୦ ପର୍ଯ୍ୟନ୍ତ ଛାତ୍ରଛାତ୍ରୀ ପାଠ ପଢ଼ିପାରିବେ । ଶ୍ରୀ ଅଜୟ ବାହାଦୁର ସିଂ, ରିଜିଓନାଲ ଡାଇରେକ୍ଟର ଆକାଶ ବାଏଜୁସର ଅନ୍ୟ ଅଧିକାରୀଙ୍କ ସହିତ ଏହି ନତୂନ କ୍ଲାସରୁମ୍ ସେଂଟରର ଉଦ୍ଘାଟନ କରିଥିଲେ । ଏହି ଅବସରରେ ଶ୍ରୀ ହରିନ୍ଦର ପାଲ୍ ସିଂ ବାଲେଶ୍ୱର ବ୍ରାଂଚ ମୁଖ୍ୟ, ଶ୍ରୀ ବିକାଶ ଦାସ, ଓଡ଼ିଶା ଆରଏସଜିଏଚ, ଶ୍ରୀ ସୂର୍ଯ୍ୟଭାନୁ ସିଂ ଓଡ଼ିଶା ଏକାଡେମିକ ଡାଇରେକ୍ଟର ଏବଂ ଶ୍ରୀ ଜୟଦୀପ ମୁଖାର୍ଜୀ, ଇଷ୍ଟ ରିଜୋନାଲ ଅପରେସନ ହେଡ ପ୍ରମୁଖ ଉପସ୍ଥିତ ଥିଲେ । ଏହା ଓଡ଼ିଶାରେ ଆକାଶ ବାଇଜୁସ୍ର ପଂଚମ କ୍ଲାସରୁମ ସେଂଟର ହୋଇଥିବାବେଳେ, ଏହାର ଅନ୍ୟ ସେଂଟରଗୁଡିକ ଭୁବନେଶ୍ୱର, କଟକ ଓ ବ୍ରହ୍ମପୁରରେ ଅବସ୍ଥିତ ରହିଛି ।
ବାଲେଶ୍ୱର ମଲ୍ଲୀକାଶପୁର ପ୍ରୁଫ୍ ରୋଡସ୍ଥିତ ଏସ୍ବିଆଇ ନିକଟସ୍ଥ ନାଲମଗଂଜରେ ଦି ଲ୍ୟାଣ୍ଡମାର୍କ ବିଲ୍ଡିଂର ପଂଚମ ମହଲାରେ ଅବସ୍ଥିତ ଏହି ଆକାଶ ବାଇଜୁସ୍ ସେଂଟର ଇଞ୍ଜିନିୟରିଂ, ଡାକ୍ତରୀ ଏବଂ ଫାଉଣ୍ଡେସନ ସ୍ତରୀୟ ପାଠ୍ୟକମ୍ର ନିମନ୍ତେ ପ୍ରସ୍ତୁତ ହେଉଥିବା ଛାତ୍ରଛାତ୍ରୀଙ୍କ ଆବଶ୍ୟକତା ପୂରଣ କରିବା ସହିତ ସେମାନଙ୍କ ମୂଳଦୁଆ ସୁଦୃଢ କରିବ ଏବଂ ସେମାନଙ୍କୁ ଅଲିମ୍ପିଆଡ ଭଳି ବିଭିନ୍ନ ପ୍ରତିଯୋଗିତାମୂଳକ ପରୀକ୍ଷା ପାଇଁ ପ୍ରସ୍ତୁତ ହେବା ଦିଗରେ ସହାୟତା କରିବ । ସମ୍ପ୍ରତି ଆକାଶ ବାଇଜୁସ୍ ନିଜର ସର୍ବଭାରତୀୟ ନେଟୱାର୍କ ସେଂଟରଗୁଡିକ ଜରିଆରେ ସମଗ୍ର ଦେଶରେ ଗୁଣାତ୍ମକ ଶିକ୍ଷା ଯୋଗାଉଥିବା ନେଇ ସୁପରିଚିତ ହୋଇଛି ।