ରଖେ ହରି ତ ମାରେ କିଏ ! ବିନା ପାରିଶ୍ରମିକରେ କ୍ଷତାକ୍ତ ବଦଳର ରକ୍ଷା କଲେ ପ୍ରାଣୀ ଚିକିତ୍ସକ
ରଖେ ହରି ତ ମାରେ କିଏ । ବୌଦ୍ଧ ଜିଲ୍ଲା ଗୋଛାପଡା ଗ୍ରାମପଂଚାୟତ ଅନ୍ତର୍ଗତ ତ୍ରିବେଣୀପୁର ଗ୍ରାମର ଗିରିଶ ଛତ୍ରଙ୍କ ବଳଦକୁ କେହି ଦୁର୍ବୁତ୍ତ ଅତି ଅମାନୁଷିକ ଭାବେ ବର୍ଛା ମାରି ଦେଇଥିଲେ । ଫଳରେ ବଳଦଟି ଯନ୍ତ୍ରଣାରେ ଛଟପଟ ହେଉଥିଲା । ଏ ବାବଦରେ ଖବର ପାଇ ଉପଖଣ୍ଡ ପ୍ରାଣୀ ଚିକିତ୍ସାଧିକାରୀ ଡା ପ୍ରଫୁଲ୍ଲ କୁମାର ନାୟକଙ୍କ ନେତୃତ୍ୱରେ ଏକ ପ୍ରାଣୀ ଚିକିତ୍ସକ ଦଳ ତ୍ରିବେଣୀପୁର ଗ୍ରାମରେ ପହଞ୍ଚି ବଳଦର ସଫଳ ଅସ୍ତ୍ରୋପଚାର କରିଛନ୍ତି ।
ସୂଚନା ଅନୁସାରେ, ବଳଦର ମାଲିକ ଅତ୍ୟନ୍ତ ଗରିବ ଶ୍ରେଣୀର ହୋଇଥିବାରୁ ଏଭଳି ବିରଳ ଓ ବ୍ୟୟବହୁଳ ଅସ୍ତ୍ରୋପଚାର କରିବାକୁ ସେ ଅକ୍ଷମ ଥିଲେ । ତେବେ ଡା ନାୟକଙ୍କ ତତ୍ଵାବଧାନରେ ବାଉଶୁଣୀ ପ୍ରାଣୀ ଚିକିତ୍ସକ ଡା ପ୍ରିୟଵ୍ରତ ବେହେରା, ମନମୁଣ୍ଡା ପ୍ରାଣୀ ଚିକିତ୍ସକ ଡା ଜନ୍ମେଜୟ ମହାଳିକ୍, ପ୍ରାଣୀଧନ ନିରୀକ୍ଷକ ଭାଵଗ୍ରାହୀ ମେହେର୍ ଓ ଗୋମିତ୍ର ପ୍ରବୀଣ କର୍ଣ୍ଣ ଉପସ୍ଥିତ ରହି ନିଃଶୁଳ୍କ ଅସ୍ତ୍ରୋପଚାର କରିଥିଲେ । ଏହା ସହ ଡା ନାୟକ ନିଜସ୍ବ ଖର୍ଚ୍ଚରେ ସମସ୍ତ ଔଷଧ ମଧ୍ୟ ଯୋଗାଇଛନ୍ତି । ପ୍ରାଣୀ ଚିକିତ୍ସା ବିଭାଗର ତ୍ୱରିତ ପଦକ୍ଷେପ ପାଇଁ ଏକ ନିରୀହ ପ୍ରାଣୀର ଜୀବନ ରକ୍ଷା ହୋଇପାରିଥିବାରୁ ଏ ନେଇ ସ୍ଥାନୀୟ ଅଞ୍ଚଳରେ ଏତାଦୃଶ କାର୍ଯ୍ୟକୁ ନେଇ ସମସ୍ତେ ବହୁ ପ୍ରଶଂସା କରିଛନ୍ତି ।
ବୌଦ୍ଧରୁ ସୁମନ୍ତ ମେହେର
