ମତାଧିକାର ସାବ୍ୟସ୍ତ କଲେ ଭୁବନେଶ୍ବରର ମେୟର ପ୍ରାର୍ଥୀ
ପୌର ନିର୍ବାଚନ ପାଇଁ ଚାଲିଛି ମତଦାନ । ରାଜ୍ୟରେ ପୌର ନିର୍ବାଚନ ପାଇଁ ସବୁଠୁ ଚର୍ଚ୍ଚାରେ ରହିଛି ଭୁବନେଶ୍ୱର ମେୟର ପଦବୀ । ଚଳିତଥର ରାଜ୍ୟ ସରକାର ଭୁବନେଶ୍ବର ମେୟର ପଦବୀକୁ ମହିଳା ସଂରକ୍ଷଣ କରିଥିବାରୁ ଏହି ପଦକୁ ହାତେଇବା ପାଇଁ ମୈଦାନରେ ରହିଛନ୍ତି ୩ ପ୍ରମୁଖ ଦଳ ବିଜେପି-କଂଗ୍ରେସ-ବିଜେଡି ପ୍ରାର୍ଥୀ । କିଏ ପିନ୍ଧିବ ଭୁବନେଶ୍ବର ମେୟର ମୁକୁଟ ତାହା ନିର୍ଣ୍ଣୟ କରୁଛନ୍ତି ଜନତା ଜନାର୍ଦ୍ଦନ । ଆଉ ଆଜି ଭାଗ୍ୟ ପରୀକ୍ଷା ଦେଉଛନ୍ତି ବିଜେଡିରୁ ସୁଲୋଚନା ଦାସ, କଂଗ୍ରେସରୁ ମଧୁସ୍ମିତା ଆଚାର୍ଯ୍ୟ ଓ ବିଜେପିରୁ ସୁନୀତି ମୁଣ୍ଡ ।
ଆଜି ନୟାପଲ୍ଲୀ ଉତ୍କଳମଣି ସରକାରୀ ୟୁପି ସ୍କୁଲର ୪୦୭ ନମ୍ବର ବୁଥରେ ବିଜେଡି ମେୟର ପ୍ରାର୍ଥୀ ସୁଲୋଚନା ଦାସ ନିଜର ମତାଧିକାର ସାବ୍ୟସ୍ତ କରିଛନ୍ତି । ସେ ନିଜ ସମର୍ଥକଙ୍କ ସହ ଆସି ଭୋଟ ଦେଇଛନ୍ତି । ତେବେ ସୁଲୋଚନାଙ୍କର ୪୦୮ ନମ୍ବର ବୁଥରେ ଭୋଟ ଦେବାର କାର୍ଯ୍ୟକ୍ରମ ଥିବା ବେଳେ ଇଭିଏମରେ ତ୍ରୁଟି ପାଇଁ ସେ ୪୦୭ ନମ୍ବର ବୁଥରେ ମତାଧିକାର ସାବ୍ୟସ୍ତ କରିଥିଲେ ।
ସେହିପରି ବିଜେପି ମେୟର ପ୍ରାର୍ଥୀ ସୁନୀତି ମୁଣ୍ଡ ହାତରେ ପଦ୍ମ ଫୁଲ ଧରି ଝାରପଡ଼ା ସ୍ଥିତ ଏକ ବୁଥ୍କୁ ଯାଇ ନିଜର ମତାଧିକାର ସାବ୍ୟସ୍ତ କରିଛନ୍ତି ।
ଅପରପକ୍ଷେ କଂଗ୍ରେସ ମେୟର ପ୍ରାର୍ଥୀ ମଧୁସ୍ମିତା ଆଚାର୍ଯ୍ୟ ମଧ୍ୟ ଭୋଟ ଦେଇଛନ୍ତି । ଆଇଆରସି ଭିଲେଜ ସରକାରୀ ପ୍ରାଥମିକ ବିଦ୍ୟାଳୟ ସେକ୍ଟର ୱାନର ୨୫୩ ନମ୍ବର ବୁଥରେ ସେ ନିଜର ମତାଧିକାର ସାବ୍ୟସ୍ତ କରିଛନ୍ତି । ନିଜ ଦଳର ସମର୍ଥକଙ୍କ ସହ ଭୋଟ କେନ୍ଦ୍ରରେ ପହଂଚି ମତଦାନ ଦେଇଛନ୍ତି ।
ସେମାନଙ୍କ ବାଦ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ୫ଟି ସଚିବ ଭି.କେ ପାଣ୍ଡିଆନ, ବିଧାୟକ ଅନନ୍ତ ନାରାୟଣ ଜେନା, ବିଜେପି ସଭାପତି ସମୀର ମହାନ୍ତି ପ୍ରମୁଖ ବିଭିନ୍ନ ବୁଥ୍ରେ ନିଜ ନିଜର ମତାଧିକାର ସାବ୍ୟସ୍ତ କରିଛନ୍ତି ।
