କୁହୁଣ୍ଡା ପଞ୍ଚାୟତ ସମିତିସଭ୍ୟା ପ୍ରାର୍ଥୀ ହେଲେ ସୁପ୍ରଭା ସାମଲ
ଆସନ୍ତା ଫେବୃଆରୀ ୧୬ରେ ଅନୁଷ୍ଠିତ ହେବ ତ୍ରି-ସ୍ତରୀୟ ପଞ୍ଚାୟତ ନିର୍ବାଚନ । ଏଥିପାଇଁ ବିଭିନ୍ନ ପଂଚାୟତରେ ରାଜନୈତିକ ଉଷ୍ମତା ବୃଦ୍ଧି ପାଇବାରେ ଲାଗିଛି । ମାହାଙ୍ଗା ବ୍ଲକର ୩୭ଟି ଗ୍ରାମ ପଞ୍ଚାୟତରୁ ସରପଞ୍ଚ, ସମିତିସଭ୍ୟ, ୱାର୍ଡ ମେମ୍ବର ଏବଂ ଚାରୋଟି ଜିଲାପରିଷଦ ଆସନରୁ ବହୁ ଆଶାୟୀ ପ୍ରାର୍ଥୀ ନିଜ ନିଜ ସମର୍ଥକଙ୍କୁ ନେଇ ପ୍ରାର୍ଥୀପତ୍ର ଦାଖଲ କରୁଥିବା ଦେଖିବାକୁ ମିଳିଛି । ଚଳିତ ଥର ଏହି ନିର୍ବାଚନରେ ବହୁ ଉଚ୍ଚ ଶିକ୍ଷିତା ମହିଳା ଭାଗନେଉଥିବାରୁ, ଏହା ଗଣତନ୍ତ୍ର ପାଇଁ ଶୁଭଙ୍କର ବୋଲି ସାଧାରଣରେ ଚର୍ଚ୍ଚା ହେଉଛି ।
ବିଭିନ୍ନ ଦଳର ବହୁ ଅନୁଗତ ପ୍ରାର୍ଥୀମାନେ ପ୍ରଚାର ଅଭିଯାନ ଜୋରଦାର କରିଥିବା ବେଳେ ଲଗାତର କୋଡିଏ ବର୍ଷରୁ ଅଧିକ ସମୟ ହେଵ ମାହାଙ୍ଗା ପଂଚାୟତ ସମିତି ଉପରେ ଶାସକ ବିଜେଡିର ଦବଦବା ରହି ଆସିଛି । ମାହାଙ୍ଗା ବ୍ଲକରୁ କଂଗ୍ରେସ ସ୍ଥିତି ଅତ୍ୟନ୍ତ ନୈରାଶ୍ୟ ଜନକ ଥିବା ନେଇ ଚର୍ଚ୍ଚା ଚାଲିଥିବାବେଳେ ପୂର୍ବତନ ମନ୍ତ୍ରୀ ମତୁଲୁବ ଅଲ୍ଲୀ ଏବଂ ଦେବେନ୍ଦ୍ର ସାହୁଙ୍କ ଗୋଷ୍ଠୀ ମଧ୍ୟରେ ଉଗ୍ର ବିବାଦ ରହିଥିବା କୁହାଯାଉଛି । ଅପରପକ୍ଷରେ ବିଜେପି ନିଜ ଶକ୍ତି ବୃଦ୍ଧି କରିବାରେ ସାମାନ୍ୟ ସଫଳ ହୋଇଥିଲେ ବି ତୃଣମୂଳ ସ୍ତରରେ ନେତୃତ୍ୱର ଅଭାବ ଯୋଗୁଁ ପ୍ରାର୍ଥୀମାନେ ନିରୁତ୍ସାହିତ ଥିବା ସାଧାରାଣରେ ମତ ପ୍ରକାଶ ପାଇଛି ।
ଚଳିତ ଥର ବ୍ଲକ ପାଇଁ ଜଣେ ଦଳିତ ମହିଳା ଅଧ୍ୟକ୍ଷ ଆସନରେ ବସିବା ସୂଚନା ମିଳିଛି । ମନ୍ତ୍ରୀ ପ୍ରତାପ ଜେନା ନିଜ ଦଳର ଅସନ୍ତୁଷ୍ଟଙ୍କୁ ମନେଇବାରେ ଦୁଇପାଦ ଆଗରେ ଥିବାବେଳେ, ବିଜେପି ଓ କଂଗ୍ରେସଙ୍କୁ ଉପଯୁକ୍ତ ପ୍ରାର୍ଥୀ ମିଳୁନି । ପ୍ରାର୍ଥୀ ଦୌଡ଼ରେ ଥିବା ଆଶାୟୀ ମାନଙ୍କୁ ମନାଇବାରେ ଦଳୀୟ ନେତା ସଫଳ ହେଲେ, ବିରୋଧି ବହୁ ପଛରେ ପଡିବା ଜଳଜଳ ଦିଶୁଛି । ତେବେ ସମୟ କହିବ ସମିତି ଦଖଲ ଅଭିଯାନରେ କେଉଁ ଦଳ ମୁଣ୍ଡରେ ମତଦାତା ବିଜୟୀ ମୁକୁଟ ପିନ୍ଧାଉଛନ୍ତି ।
ସାଲେପୁରରୁ ଅଭୟ ଜେନା
