ବିକାନେର ଏକ୍ସପ୍ରେସ ଲାଇନଚ୍ୟୁତ, ୩ ଜଣଙ୍କର ମୃତ୍ୟୁ ହୋଇଥିବା ସୂଚନା
ପଶ୍ଚିମବଙ୍ଗରେ ବିକାନେର ଏକ୍ସପ୍ରେସ ଲାଇନଚ୍ୟୁତ । ପଶ୍ଚିମବଙ୍ଗର ଦୋମୋହାଣିରେ ଘଟିଛି ବଡ଼ ଧରଣର ଅଘଟଣ । ଏକ୍ସପ୍ରେସର ୧୨ଟି ବଗି ଲାଇନଚ୍ୟୁତ ହୋଇଥିବା ସୂଚନା । ତେବେ ଟ୍ରେନ ଦୁର୍ଘଟଣାରେ ୩ ଜଣଙ୍କର ମୃତ୍ୟୁ ହୋଇଥିବା ସୂଚନା । ପାଟନାରୁ-ଗୌହାଟୀ ଯାଉଥିବା ବେଳେ ଟ୍ରେନ ଦୁର୍ଘଟଣାଗ୍ରସ୍ତ ହୋଇଥିଲା ।
ଦୁର୍ଘଟଣାରେ ଅନେକ ଯାତ୍ରୀ ଆହତ ହୋଇଥିବା ସୂଚନା ମିଳିଛି । କିଛି ଆହତଙ୍କୁ ଉଦ୍ଧାର କରାଯାଇ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଉଛି । ଅପରପକ୍ଷେ ଲାଇନଚ୍ୟୁତ ବଗିରେ ଅନେକ ଯାତ୍ରୀ ଏବେ ବି ଫସି ରହିଥିବା କୁହାଯାଉଛି । ଘଟଣା ସ୍ଥଳରେ ପୋଲିସ, ଅଗ୍ନିଶମ ବାହିନୀ ଓ ସ୍ଥାନୀୟ ଲୋକ ଉଦ୍ଧାର କାମ ଜାରି ରଖିଥିବା ଜଣାପଡିଛି । ଯୁଦ୍ଧକାଳୀନ ଭିତ୍ତିରେ ଉଦ୍ଧାର କାର୍ଯ୍ୟ ଆରମ୍ଭ ହୋଇଛି ।
