ଲୋକଙ୍କ ପାଇଁ କର୍ତ୍ତବ୍ୟ ସମ୍ପାଦନ କରି ପୁଣି ଆମେ ଗର୍ବିତ…

କୋଟପlଡ଼ ରେଞ୍ଜ ବନ ବିଭାଗରେ ମହାତ୍ମା ଗାନ୍ଧୀ ନିଶ୍ଚିତ କର୍ମ ନିଯୁକ୍ତି ଯୋଜନାରେ କାର୍ଯ୍ୟ କରି ଦୀର୍ଘ ବର୍ଷ ଧରି ଶ୍ରମିକ ନିଜର ପ୍ରାପ୍ୟରୁ ବଞ୍ଚିତ ଥିଲେ । ଏହି ଦୁର୍ନୀତିର ଖବର ଫ୍ରିଟୁସ୍ପିକରେ ପ୍ରସାରଣ କରି ଆମେ ରାଜ୍ୟ ସରକାର ତଥା ଜିଲ୍ଲା ପ୍ରଶାସନଙ୍କୁ ଅବଗତ କରାଇଥିଲୁ ।  ତେବେ ଖବର ପ୍ରସାରଣ ପରେ ତତ୍ପରତା ଦେଖାଇଛନ୍ତି ଜିଲ୍ଲା ପ୍ରଶାସନ । କୋରାପୁଟ ଜିଲ୍ଲା ପ୍ରଶାସନ ତୁରନ୍ତ ଘଟଣାର ଗମ୍ଭୀରତାକୁ ଅନୁଧ୍ୟାନ କରି ୬୦ ଜଣ ଦିନ ମଜୁରିଆଙ୍କୁ ସେମାନଙ୍କ ବକେୟା ମଜୁରୀ ଫେରି ପାଇବା ଲାଗି ସହଯୋଗର ହାତ ବଢ଼ାଇଛନ୍ତି l ଏବେ ବକେୟା ରାଶି ପ୍ରାପ୍ତ କରିବା ପରେ ଦିନ ମଜୁରିଆମlନେ ଖୁସି ବ୍ୟକ୍ତ କରିବା ସହ ଫ୍ରିଟୁ ସ୍ପିକ, ଭାରତ ମିଡ଼ିଆ ଆସୋସିଏସନ ଓ ଜିଲ୍ଲା ପ୍ରଶାସନକୁ ସାଧୁବାଦ ଜଣାଇଛନ୍ତି l

ଗତ ଡିସେମ୍ବର ୨୩ରେ ଶ୍ରମିକ ମାନେ କାର୍ଯ୍ୟ କରି ପ୍ରାପ୍ୟରୁ ବଞ୍ଚିତ ହୋଇ ହଇରାଣ ହେଉଥିବା ଖବର ଆମେ ପ୍ରସାରଣ କରିଥିଲୁ । ତେବେ ଶ୍ରମିକ ପ୍ରାପ୍ୟ ପାଇବା ଲାଗି ଗୋଟେପଟେ ରେଞ୍ଜରଙ୍କୁ ପଚାରିବାରୁ ରେଞ୍ଜର କହିଥିଲେ ଫରେଷ୍ଟରଙ୍କୁ କୁହନ୍ତୁ । ଅପରପକ୍ଷେ ଫରେଷ୍ଟରଙ୍କୁ ପଚାରିବାରୁ ସେ କହିଥିଲେ ରେଞ୍ଜର ବୁଝିବେ । ଏହାର ଏକ ଅଡିଓ କ୍ଲିପ ମଧ୍ୟ ଆମେ ପ୍ରସାରଣ କରିଥିଲୁ । ପରେ ଏ ନେଇ କିଛି ଖଳ ପ୍ରକୃତିର ଲୋକେ ଆମକୁ ଏବଂ ଆମ ପ୍ରତିନିଧିଙ୍କୁ ଧମକ ମଧ୍ୟ ଦେଇଥିଲେ । ତେବେ ସତ୍ୟର ସ୍ବର ହୋଇ ଆମେ ଆମ କର୍ତ୍ତବ୍ୟ ପଥରେ ବଳବତ୍ତର ରହିଥିଲୁ । ଏବଂ ଏହାର ସୁଫଳ ପାଇଛନ୍ତି ୬୦ ଜଣ ଦିନ ମଜୁରିଆ ।

ଭାରତ ସରକାର ଦିନ ମଜୁରିଆଙ୍କ ଆର୍ଥିକ ମାନ ଦଣ୍ଡ ବୃଦ୍ଧି କରିବା ଉଦ୍ଦେଶ୍ୟରେ ପ୍ରତ୍ୟେକ ଜବ୍ କାର୍ଡଧାରୀଙ୍କୁ ମହାତ୍ମା ଗାନ୍ଧୀ ନିଶ୍ଚିତ କର୍ମ ନିଯୁକ୍ତି ଯୋଜନାରେ କୁଶଳୀ ଓ ଅଣ କୁଶଳୀ ଶ୍ରମିକଙ୍କୁ ବର୍ଷରେ ଶହେ ଦିନର କାମ ଯୋଗାଇ ସେମାନଙ୍କ ଆର୍ଥିକ ମାନଦଣ୍ଡ ବୃଦ୍ଧି କରିବାକୁ କୋଟି କୋଟି ଅର୍ଥ ବ୍ୟୟ କରୁଥିବା ବେଳେ ଏହା ଦୁର୍ଗମ ଅଞ୍ଚଳରେ ବାଟବଣl ହେଉଥିବା ଅଭିଯୋଗ ହୋଇଥିଲା । କାମ କରିବାର ସପ୍ତାହ ମଧ୍ୟରେ ମନରେଗା ଅର୍ଥ ମିଳିବlର ସରକାରୀ ବ୍ୟବସ୍ଥା ରହିଥିବା ବେଳେ କାମ ସାରିବାର ବର୍ଷ ବର୍ଷ ବିତି ଯାଇଥିଲେ ସୁଧା ସେମାନଙ୍କୁ ଅର୍ଥ ମିଳିନଥିଲା l କିନ୍ତୁ ଭାରତ ମିଡ଼ିଆ ଆସୋସିଏସନର ସହଯୋଗ ଏବଂ ଫ୍ରିଟୁସ୍ପିକର ଖବର ପ୍ରସାରଣ ପରେ ଗରିବ ଦିନ ମଜୁରିଆ ନିଜର ପ୍ରାପ୍ୟ ପାଇ ଏବେ ଖୁସି ଥିବା କହିଛନ୍ତି ।

କୋଟପlଡ଼ରୁ ସୁନୀଲ ଦାଶ