୧୫ ରୁ ୧୮ ବର୍ଷର ପିଲାଙ୍କୁ ୬୧ ଟି ସେଣ୍ଟରରେ ଦିଆଯିବ କରୋନା ଟୀକା

କରୋନାର ନୂଆ ଭାରିଏଣ୍ଟ ଓମିକ୍ରନ ଆସିବା ପରେ ଭାରତ ସରକାର ତତ୍ପର ହୋଇ ୧୫ ରୁ ୧୮ ବର୍ଷର ପିଲାମାନଙ୍କୁ ଟୀକାକରଣ କରିବାକୁ ନିଷ୍ପତ୍ତି ନେଇଥିଲେ । ଏହି କ୍ରମରେ ନବରଙ୍ଗପୁର ମୁଖ୍ୟ ଚିକିତ୍ସାଳୟରେ ୧୫ ବର୍ଷରୁ ୧୮ ବର୍ଷର ବାଳକବାଳିକାଙ୍କୁ କରୋନା ଟୀକାକରଣ କାର୍ୟ୍ୟକ୍ରମର ଶୁଭ ଉଦଘାଟନ ହୋଇଛି । ଏହି କାର୍ୟ୍ୟକ୍ରମକୁ ଜିଲ୍ଲାପାଳ ଡ଼ଃ.କମଳ ଲୋଚନ ମିଶ୍ର ଓ ମୁଖ୍ୟ ଚିକିତ୍ସା ଅଧିକାରୀ ଅନୁଷ୍ଠାନିକ ଭାବେ ଉଦଘାଟନ କରିଛନ୍ତି । ଏହି କାର୍ୟ୍ୟକ୍ରମ ଜରିଆରେ ନବରଙ୍ଗପୁର ଜିଲ୍ଲାର ୧୦ଟି ବ୍ଲକ ଓ ୨ଟି ପୌରପାଳିକାରେ ୬୫ ହଜାର ୭୦୦ ବାଳକବାଳିକାଙ୍କୁ କରୋନା ଟୀକା ଦିଆଯିବାର ବ୍ୟବସ୍ଥା ବା ସହିତ ଏଥିଲାଗି ୬୧ ଟି ସେଣ୍ଟର ଖୋଲାଯାଇ ୧୨୨ ଜଣ କର୍ମଚାରୀଙ୍କୁ ନିୟୋଜିତ କରାଯାଇଥିବା ସୂଚନା ଦେଇଛନ୍ତି ଜିଲ୍ଲାପାଳ । ଏଥିରେ ସମସ୍ତ ବାଳକ ଓ ବାଳିକାଙ୍କୁ କୋଭାକ୍ସିନ ଟୀକା ଦିଆଯିବ ବୋଲି ସୂଚନା ଦେଇଛନ୍ତି ଜିଲ୍ଲାପାଳ ।
ନବରଙ୍ଗପୁରରୁ ଦିବାକର ପାଇକ